Essay on Holi in Hindi

holee mastee bhara rangabiranga tyohaar hai . is din saare log apane puraane gile - shikave bhool kar gale lagate hain aur ek dooje ko gulaal lagaate hain . bachche aur yuva rangon se khelate hain 

phaalgun maas kee poornima ko yah tyohaar manaaya jaata hai . holee ke saath anek kathaen judeen hain . holee manaane ke ek raat pahale holee ko jalaaya jaata hai . isake peechhe ek lokapriy pauraanik katha hai .

bhakt prahlaad ke pita harinyakashyap svayan ko bhagavaan maanate the. vah vishnu ke virodhee the jabaki prahlaad vishnu bhakt the. unhonne prahlaad ko vishnu bhakti karane se roka jab vah nahin maane to unhonne prahlaad ko maarane ka prayaas kiya.

prahlaad ke pita ne aakhar apanee bahan holika se madad maangee. holika ko aag mein na jalane ka varadaan praapt tha. holika apane bhaee kee sahaayata karane ke lie taiyaar ho gaee. holika prahlaad ko lekar chita mein ja baithee parantu vishnu kee krpa se prahlaad surakshit rahe aur holika jal kar bhasm ho gaee.

yah katha is baat ka sanket karatee hai kee buraee par achchhaee kee jeet avashy hotee hai. aaj bhee poornima ko holee jalaate hain, aur agale din sab log ek doosare par gulaal, abeer aur tarah-tarah ke rang daalate hain. yah tyohaar rangon ka tyohaar hai. is din log praat: kaal uthakar rangon ko lekar apane naate-rishtedaaron va mitron ke ghar jaate hain aur unake saath jamakar holee khelate hain. bachchon ke lie to yah tyohaar vishesh mahatv rakhata hai. vah ek din pahale se hee baajaar se apane lie tarah-tarah kee pichakaariyaan va gubbaare laate hain. bachche gubbaaron va pichakaaree se apane mitron ke saath holee ka aanand uthaate hain.

sabhee log bair - bhaav bhoolakar ek - doosare se paraspar gale milate hain . gharon mein auraten ek din pahale se hee mithaee , gujhiya aadi banaatee hain va apane paas - pados mein aapas mein baantatee hain . kaee log holee kee tolee banaakar nikalate hain unhen huriyaare kahate hain .

braj kee holee, mathura kee holee, vrndaavan kee holee, barasaane kee holee, kaashee kee holee poore bhaarat mein mashahoor hai.

aajakal achchhee kvolitee ke rangon ka prayog nahin hota aur tvacha ko nukasaan pahunchaane vaale rang khele jaate hain. yah saraasar galat hai. is manabhaavan tyohaar par raasaayanik lep va nashe aadi se door rahana chaahie. bachchon ko bhee saavadhaanee rakhanee chaahie. bachchon ko badon kee nigaraanee mein hee holee khelana chaahie. door se gubbaare phenkane se aankhon mein ghaav bhee sakata hai ho. rangon ko bhee aankhon aur any andaroonee angon mein jaane se rokana chaahie.