Caste System Essay Nibandh

Jati vyavastha par nibandh
bharat mein jati vyavastha par nibandh 1 (100 shabd)

bharat mein jati vyavastha prachin kal se prachalit rahi hai aur isaki avadharana ko satta mein baithe logon dvara sadiyon se alag-alag tarikon se vikasit kiya gaya hai. Vishesh rup se mugal shasan evan british raj ke dauran is vyavastha mein bade parivartan kiye gaye. Isake bavajud, aj bhi logon ke sath unaki jatiyon ke adhar par samaj mein alag-alag dhang se vyavahar kiya ja ha hai. Varn evan jati - samajik vyavastha ke mul rup se do alag-alag avadharanen hai.

varn char vyapak samajik vibhajan ko sandarbhit karata hai - brahman (shikshak / pujari), kshatriy (raja / yoddha), vaishy (vyapari varg) aur shudr (majadur / sevak) lokin dhire- dhire yah aur bhi patan ki sthiti mein chala gaya evan janm ke adhar par jatiyon mein vibhajit ho gaya. Jati am taur par logon ke vyapar ya samuday ke hisab se tay ki jati thi lekin aj yah vanshanugat ho chuki hai.

bharat mein jati vyavastha par nibandh 2 (150 shabd)

bharat sadiyon se jati vyavastha ke maya jal mein fansa hua hai. Ye pranali prachin kal se hi apani jade jama chuki hain halanki samay ke sath sthiti mein parivartan jarur aya hai. Madhyayugin, purv adhunik evan adhunik bharat ke shasakon ne apani suvidha ke anurup ise dhala. Uchch jati ke logon ko samman evan nimn jati ke logon ko hey drshti se dekhate hue tiraskar ki bhavana ke sath vyavahar kiya jata raha hai.

aj ke samay mein, shiksha prapt karane aur naukari hasil karane ke liye bharat mein jati vyavastha arakshan ka adhar ban gai hai.

bharat mein samajik vyavastha mein do alag avadharanen, varn evan jati shamil hain. Varn vyavastha ke anusar jatiyon ki char shreniyan hain - brahman, kshatriy, vaishy evan shudr. Jati dusari or ek vyakti ke janm dvara nirdharit ki jati hai. Jatiyan hajaron ki sankhya mein hain jo am taur par ek samuday ke paramparik peshe se nirdharit hoti hain.


bharat mein jati vyavastha par nibandh 3 (200 shabd)

bharat mein jati vyavastha ki shuruat prachin kal se hi chuki hai ho. Desh mein jati pratha ki utpatti ko lekar do alag alag drshtikon prachalit hain. Ye mukhyatah ya to samajik-arthik karakon ya vaicharik karakon par adharit hain.

pahale drshtikon ke anusar, jati vyavastha char varnon mein vibhajit thi. Yah pariprekshy sadiyon pahale british aupaniveshik yug ke vidvanon ke bich vishesh rup se prachalit tha. Yah vichar paddhati logon ko unake varg ke adhar par char varnon brahman (shikshak / pujari), kshatriy (raja / yoddha), vaishy (vyapari) evan aur shudr (majadur / sevakon) mein vibhajit karate hain.

dusari vichar paddhati ke anusar yah vibhajan samajik-arthik karakon par adharit tha aur yah pranali bharat ke rajanitik, arthik aur vastugat itihas mein nihit hai. Yah pariprekshy uttar-aupaniveshik yug ke vidvanon ke bich prachalit tha. Is vichar paddhati ke anusar logon ki jati ka nirdharan unake samuday ke paramparik karyon ke anusar kiya jata tha.

kul milakar jati vyavastha ki bharat mein ek majabut pakad rahi hai jo aj bhi vaisi hi bani hui hai. Aj, yah pranali shiksha aur naukariyon mein arakshan ka adhar ban chuki hai. Rajanitik karanon se jahan jatiyan vibhinn dalon ke liye vot baink ke gathan mein bhi apani bhumika nibhati hai; vahin jatigat adhar par arakshan pranali bhi desh mein abhi tak barakarar hai.

bharat mein jati vyavastha par nibandh 4 (250 shabd)

bharat mein jati vyavastha logon ko char alag-alag shreniyon - brahman, kshatriy, vaishy aur shudr - mein bantati hai. Yah mana jata hai ki ye samuh hindu dharm ke anusar srshti ke nirmata bhagavan brahma ke dvara astitv mein aye. Pujari, buddhijivi evan shikshak brahmanon ki shreni mein ate hain aur ve is vyavastha mein shirsh par hain aur yah mana jata hai ki ve brahma ke mastak se aye hai. Isake bad agali pankti mein kshatriy hain jo shasak evan yoddha rahe hain aur yah mana jata hai ki ye brahama ki bhujaon se aye. Vyapari evan kisan vaishy varg mein ate hain aur yah kaha jata hai ki ye unake janghon se aye aur shramik varg jinhen shudr kaha jata hai ve chauthi shreni mein hain aur ye brahma ke pairon se aye hain aisa varn vyavastha ke anusar mana jata hai.

inake alava ek aur varg hai jise bad mein joda gaya hai use daliton ya achhuton ke rup mein jana jata hai. Inamen sadakon ki safai karane vale ya any saf-safai karane vale klinar varg ke logon ko samahit kiya gaya. Is shreni ko jati bahishkrt mana jata tha.

ye mukhy shreniyan age apane vibhinn peshe ke anusar lagabhag 3,000 jatiyon aur 25,000 up jatiyon mein vibhajit hain.

manusmrti, jo hindu kanunon ka sabase mahatvapurn granth hai, ke anusar, varn vyavastha samaj mein adesh aur niyamitata sthapit karane ke liye astitv mein aya. Yah avadharana 3000 sal purani hai aisa kaha jata hai aur yah logon ko unake dharm (kartavy) evan karm (kam) ke adhar par alag-alag shreniyon mein vibhajit karata hai.

desh mein logon ka samajik evan dharmik jivan sadiyon se jati vyavastha ki vajah se kafi had tak prabhavit raha hai aur yah prakriya aj bhi jari hai jisaka rajanitik dal bhi apane-apane hiton ko sadhane mein durupayog kar rahe hain.

bharat mein jati vyavastha par nibandh 5 (300 shabd)

jati vyavastha ati prachin kal se hamare desh mein prachalit rahi hai aur sath hi samajik evan rajanitik vyavastha par apani majabut pakad banaye rakhane mein kamayab rahi hai. Logon ko brahman, kshatriy, vaishy aur shudr - char alag-alag shreniyon mein vibhajit kiya gaya hai. Aitihasik drshti se yah mana jata hai ki desh mein lagabhag 1500 isa purv mein aryon ke agaman ke sath yah samajik vyavastha astitv mein ayi. Yah kaha jata hai ki aryon ne us samay sthaniy abadi ko niyantrit karane ke liye is pranali ki shuruat ki. Sab kuchh vyavasthit karane ke liye unhonne sabaki mukhy bhumikayen tay ki aur unhen logon ke samuhon ko saumpa. Halanki, 20 vin sadi mein yah kahate hue ki aryon ne desh par hamala nahin kiya, is siddhant ko kharij kar diya gaya.

hindu dharmashastriyon ke anusar, yah kaha jata hai ki yah pranali hindu dharm mein bhagavan brahma, jinhen brahmand ke nirmata ke rup mein jana jata hai, ke sath astitv mein ayi. Is siddhant ke anusar samaj mein pujari evan aur shikshak varg brahma ke sir se aye aur dusari shreni ke log jo kshatriyo hain ve bhagavan ki bhujaon se aye. Tisare varg se sambandhit log arthat vyapariyon ke bare mein kaha gaya ki ve bhagavan ki janghon aur kisan evan majadur brahma ke pairon se aye hain.

jati vyavastha ka vastavik udgam is prakar abhi tak gyat nahin hai. Manusmrti, hindu dharm ka ek prachin granth hai aur isamen 1,000 isa purv mein is pranali ka havala diya gaya hai. Prachin samay mein, sabhi samuday is varg pranali ka kadai se palan karate the. Is pranali mein uchch varg ke logon ne kai visheshadhikar ka labh uthaya aur dusari taraf nimn varg ke log kai labhon se vanchit rahe hain. Halanki aj ki sthiti pahale ke samay jaisa kathor nahin hai lekin, aj bhi jati ke adhar par bhedabhav kiya jata hai.


bharat mein jati vyavastha par nibandh 6 (400 shabd)

bharat prachin kal se jati pratha ki buri vyastha ke changul mein fansa hua hai. Halanki, is pranali ke udgam ki satik janakari upalabdh nahin hai aur is vajah se vibhinn siddhant, jo alag-alag kathaon par adharit hain, prachalan mein hain. Varn vyavastha ke anusar mote taur par logon ko char alag-alag shreniyon mein vibhajit kiya gaya. Yahan in shrenayon ke antargat ane vale logon ke bare mein bataya ja raha hai. In shreniyon mein se pratyek ke antargat ane vale log nimn prakar se hai .:

• brahman - pujari, shikshak evan vidvan
• kshatriy - shasak evan yoddha
• vaishy - kisan, vyapari
• shudr - majadur

varn vyavastha bad mein jati vyavastha mein parivartit ho gaya aur samaj mein janm ke adhar par nirdharit hone vali 3,000 jatiyan evan samuday thin jinhen age 25,000 up jatiyon mein vibhajit kiya gaya tha.

ek siddhant ke anusar, desh mein varn vyavastha ki shuruat lagabhag 1500 isa purv mein aryon ke agaman ke pashchat hui. Yah kaha jata hai ki aryon ne is pranali ki shuruat logon par niyantran sthapit karane evan adhik prakriya ko vyavasthit dhang se chalane ke liye ki thi. Unhonne logon ke vibhinn samuhon ke liye alag-alag bhumikayen saumpi. Hindu dharmashastriyon ke anusar is pranali ki shuruat bhagavan brahma, jinhen brahmand ke rachayita ke rup mein jana jata hai, ke sath shuru hui.

jaise hi varn vyavastha jati pratha mein badal gai jatigat adhar par bhedabhav ki shuruat ho gai. Uchch jati ke log mahan mane jate the aur unake sath samman se pesh aya jata tha aur unhen kai visheshadhikar bhi prapt the. Vahin dusari taraf nimn varg ke logon ko kadam-kadam par apamanit kiya gaya aur kai chijon se vanchit rahate the. Antarjatiy vivahon ki to sakht manahi thi.

shahari bharat mein jati vyavastha se sambandhit soch mein aj behad kami ai hai. Halanki, nimn varg ke logon ko aj bhi samaj mein samman na ke barabar hi mil pa raha hai jabaki sarakar dvara unhen kai labh pradan kiye ja rahe hain. Jati desh mein arakshan ka adhar ban gaya hai. Nimn varg se sambandhit logon ke liye shiksha evan sarakari naukari ke kshetr mein ek arakshit kota bhi pradan kiya jata hai.

angrejon ke jane ke bad, bharatiy sanvidhan ne jati vyavastha ke adhar par bhedabhav par pratibandh laga diya. Usake bad anusuchit jati, anusuchit janajati evan any pichhade vargon ke liye kota pranali ki shuruat ki gai. Bi ar ambedakar jinhonne bharat ka sanvidhan likha ve khud bhi ek dalit the aur dalit evan samaj ke nichale sopanon par any samudayon ke hiton ki raksha ke liye samajik nyay ki avadharana ko bharatiy itihas mein ek bada kadam mana gaya tha, halanki ab vibhinn rajanitik dalon dvara sankirn rajanitik karanon se isaka durupayog bhi kiya ja raha hai.

Intolerance Essay Nibandh

Asahishnuta par nibandh
asahishnuta par nibandh 1 (100 shabd)

asahishnuta kisi any jati, dharm aur parampara se jude vyakti ke vishvason, vyavahar va pratha ko manane ki anichchha hain. Ye samaj mein uchch star par nafarat, aparadhon aur bhedabhavon ko janm deta hain. Ye kisi bhi vyakti ke dil aur dimag mein inkar karane ke adhikar ko janm deta hain. Ye logon ko ekata, bina bhedabhav, svatantrata aur any samajik adhikaron se jine ki anumati nahin deta. Samaj mein asahishnuta ka janm jati, sanskrti, ling, dharm aur any asahaniy karyon ke dvara hota hain.

asahishnuta par nibandh 2 (150 shabd)

asahishnuta kisi any dharm, jati ya paramparaon ke samuh ke logon ke vishvason, prathaon ya vicharon ko svikar karane, prashansa karane aur samman karane ko inkar karana hain. Ijarail ke yahudi aur filipistani apani pahachan, atmanirnay, suraksha, alag rajy adi ke vibhinn muddon ke karan uchch star ki asahishnuta ka sabase achchha udaharan hain. Unake bich asahishnuta lagatar hinsa mein badal gayi hain. Vahin dusari or, sahishnuta vo gun hain jo vividhata ke hone ke bad bhi samaj mein ekata ko badhava deta hain. Ye jiyon aur jine do ke siddhant ko manata hain chahe vyakti kisi bhi dharm, jati ya pratha ko manane vala hi kyon na ho.

asahishnuta apane dharm, jati ya rashtriyata se alag kisi vyakti ko dusare dharm, jati ya rashtriyata ko manane, anukaran karane aur badhava dene ki anumati nahin deta. Viliyam yuri ke lekh ke anusar, "sahishnuta na keval ek dusare ke sath rahane ki anumati deta hain ya anyay ke mamale mein udasin rahata hain, balki pratyek vyakti ke liye samman aur avashyak insanit dikhata hain."


asahishnuta par nibandh 3 (200 shabd)

sahishnuta ek vyakti ka achchha gun mana jata hain aur ye ek samaj ke nirman ke liye bahut avashyak bhi hain. Jabaki, asahishnuta ek vyakti ya samaj ko bhanyakar vinash ki or le jata hain. Yadi ham itihas aur pauranik kathaon ko dekhe to ham asishnuta ke bhanyakar karyon ko dekhegen. Log ek sadharan si chij jaise koi prabhavi vyakti ki najaron mein apane karibi ke mahatv ko sahan nahin kar sakata, jisase jalan ki bhavana ko badhava milata hain. Ek aur aitihasik asahishnuta ka kary aurangajeb dvara kiya gaya jisane bahut se hindu logon ko hathi ke pairon ke niche raundava kar mar dala jisase usane hindutv ke khilaf asahishnuta ka vikas kiya adi. Kuchh log ek dusare se ladate hain kyonki vo ek dusare ke vyavaharon, vishvason aur prathaon ko sahan nahin kar pate. Asahishnu vyakti kisi vyakti ke liye sahi nirnay lene mein asamarth hota hain kyonki asahishnu hone ke karan vo kisi any ke vicharon ko nahin sunata.

asahishnuta ek avagun hain, jo ek vyakti, samaj ya desh ko vinash ki or agrasar (badhati) karati hain. Vahin dusari taraf sahishnu vyakti samaj mein vibhinn jati, dharm, vicharon aur prathaon ko manane valon ke sath samanata se rahata hain. Sahishnuta vo shakti hain jo vyakti ko dusaron ke alag-alag vicharon ko sunane aur samajhane ke dvara nyay karane ke yogy banati hain. Lokatantrik desh sahishnuta ko ek avashyak gun ke rup mein rakhate hain. Sahishnu vyakti hone ke karan as-pas ke kshetron mein bure halaton ko sahan karane mein madad milati hain. Sahishnuta ki adat bharat mein har nagarik ki vyaktigat sanskrti hai. Sahishnuta dard rahit jivan ka ek avashyak gun hai. Bharat ek lokatantrik aur vikasashil desh hain jahan sahishnuta ki adat log apane badon ke margadarshan mein apane bachapan se hi vikasit kar lete hain isaliye bharat mein asahishnuta dekhane ke liye durlabh hai.


asahishnuta par nibandh 4 (250 shabd)

prastavana

asahishnuta amataur par vo shart hain jisamen apane dharm va prathaon se alag kisi any dharm, jati ya sanskrti ki prathaon aur manyataon ko svikar nahin karate hain. Sanyukt rashtr mein ayojit bahusanskrtivad sammelan mein shamil hone vale pratibhagiyon se puchha gaya ki, "ham unake liye kaise sahishnu bane jo hamare liye asahishnu hain?" nishchit halaton mein sahishnuta sahi nahin hain hanlaki isaka yah matalab nahin hain ki sabhi bure halaton mein koi ek asahishnuta ke vatavaran ka nirman karata hain. Sahishnuta un logon ka abhinn gun hain jo vibhinn samuhon ke hote huye bhi ek-dusare se sammanapurvak aur samajhadari se jude huye hain. Ye vibhinn samuhon ke logon ko apane matabhedon ko sulajhane mein madad karata hain.

bharat mein asahishnuta kya hain?

ham ye nahin kah sakate ki bharat mein asahishnuta hain, ye desh "vividhata mein ekata ka sabase sahi udaharan hain. Ye apane anuthe gun vividhata mein ekata ke karan teji se vikas karane vala desh hain. Ye vo desh hain jahan alag-alag jati, panth, dharm, rivaj, sanskrti, parampara aur pratha ko manane vale varshon se bina kisi bhedabhav ke rah rahe hain. Vo apane tyauharon aur melon ko bahut utsah ke sath bina kisi dusare samuh ke hastakshep ke manate hain. Vo ek dusare ke dharm, rivaj, vishvas. Manyata aur pratha ki sahi samajh rakhate hain. Bharat ke nagarik sahishnuta ka gun rakhate hain jo unhen jiyon aur jine do ki kshamata pradan karata hain.

bolivud abhineta, amir khan, ka ek bayan, bharat mein asahishnuta ke badhate vatavaran ke bare mein sabhi ke liye bahut chakit karane vala tha kyonki unhonne ek durbhagyapurn ghatana par bahut hi gambhir tippani ki thi. Bharat vo desh hain jahan koi bhi ye arop nahin laga sakata ki log asahishnuta ko badhava de rahe hain kyonki sabhi ek-dusare ke dharm aur prathaon ki puri samajh rakhate hain.

asahishnuta samaj ko kaise prabhavit karati hain?

asahishnuta (mukhyatah dharmik asahishnuta) samaj mein rahane vale logon ko alag karata hain aur ye rashtr ke vibhajan karata ke rup mein kary karata hain. Ye samaj mein vibhinn jati, dharm, manyataun aur prathaon ke logon ke bich asamman, shatruta aur yuddh ki sthiti ko utpann karata hain. Ye ek-dusare ke prati avishvas ka nirman karake padausi ko padausi ke khilaf kar deta hain.

asahishnuta par nibandh 5 (300 shabd)

prastavana

asahishnuta ki sthiti arthik mandi aur rajanitik sthiti mein badalavon ke karan vibhinn samuh ke logon mein payi jati hain. Is sthiti mein, log apane as-pas in badalavon ko sahan karane mein pareshani mahasus karate hain. Ye sabhi ko buri tarah nukasan pahunchata hain, vishesh rup se rashtr ko. Vo desh jinamen asahishnuta astitv mein hain, vo bhedabhav, daman, amanavikaran aur hinsa ke ghar hain.

kya hai asahishnuta?

asahishnuta ekata se alagav hain jo napasand, inkar aur logon ke bich jhagadon ki sthati ko utpann karata hain. Vahin sahishnuta vividhata mein ekata ko badhava deta hain (bharat isaka sabase upayukt udaharan hain). Sahishnuta vo kshamata hai jo, logon ke man mein vibhinn dharmon, prathaon, ray, rashtriyata vale un logon ke prati sakaratmak drshtikon vikasit karata hai. Asahishnuta asafalata ki sthiti hain jo logon ko dusare samuh se sambandhit logon ke vishvason, manyataon aur paramparaon ko napasand karane ke liye prerit karati hain. Udaharan ke liye, asahishnuta ka ek uchch star ijarayal mein yahudiyon aur filistiniyon ke bich maujud hai. Asahishnuta samaj mein antar samuh hinsa ko janm deta hai.

bharatiy samaj mein asahishnuta ke karan

samaj mein asahishnuta kai karanon se janm leti hain. Samanyatah samaj mein dharmik asahishnuta janm leti hain jo rashtr ka bantavara karati hain. Ye padosiyon ke khilaf padosiyon ke apasi yuddh ke halat paida karata hai. Asahishnuta vyaktiyon ke bich utpann apane svayan ke anubhavon ke abhav ke karan utpann ho sakati hai. Amataur par vo ek dusare ke prati apani ray manyataon ke adhar par banate hain jo bahut asani se apane nikatatam ya sabase prabhavashali logon ke sakaratmak aur nakaratmak vishvason se prabhavit jate hain ho.

alag-alag samuh ke any vyakti ke prati vyaktigat najariye ko bhi midiya mein usaki / usake chhaviyon ke dvara bahut asani se prabhavit kiya ja sakata hain. Mithako par adharit buri shikshan pranali bhi chhatron ko samaj mein rah rahe vibhinn dharmon ke liye prerit karane ke sthan par dusari sanskrti ke khilaf barbar banati hain. Sahishnuta vo gun hain jo logon ko khushi ke sath rahane aur jiyon aur dusaron ko jine do ke siddhant ko manane ke liye prerit karati hain.

asahishnuta par nibandh 6 (400 shabd)

prastavana

asahishnuta vo sthiti hain jo kisi dusare dharm, samuday ke logon ke vicharon, vishvason, manyataon aur prathaon ko manane se inkar karati hain. Samaj mein badhati asahishnuta kisi bhi tarah inkar karane ki bhavana paida karake vibhinn samuhon ko alag hone ke liye badhy karati hain. Samaj mein asahishnuta ka sabase achchha udaharan dakshin afrika mein kale aur safed dakshin afrika ke bich alagav hai. In do samuhon ke bich bahut adhik samajik duri hain jo antar samuh asantosh aur dushmani ko janm deta hai.

asahishnuta ke bare mein

asahishnuta bhayanak aur asvikrt gun hain jise samaj ke utthan ke liye daba dena chahiye. Yah vibhinn samuh ke logon ko ek dusare ke khilaf karake desh ke vikas karane ki kshamata ko nasht kar deta hain. Asahishnu samaj mein rahane vale log dusare samuday se sambandhit logo ke vicharon, vyavaharon, prathaon aur manyataon ke prati apani asvikarata pradarshit karane ke liye ghatak hamala bhi kar sakate hain. Asahishnuta dharmik, jatiy ya any kisi bhi prakar ki ho sakati hain halanki sabhi tarah se rashtr ki vrddhi aur vikas mein badha pahunchati hain. Ye logon ki dharmik, sanskrtik, paramparaon, riti-rivajon aur logon ke vicharon mein matabhed ke karan ek antarrashtriy samasya hain. Ye logon ya rashtron ke bich yuddh ka mukhy karan hai. Achchhi shiksha paddhati, sahishnuta ka vikas aur samajhaute adi ke behatar prayog se asahishnuta ki samasya ko bahut had tak sulajhaya ja sakata hain.

asahishnu log kabhi bhi kisi dusare ko svikar nahin kar pate jo prachin kal se hi pure sansar mein mukhy mudda raha hain. Asahishnuta logon ko ek-dusare (vibhinn dharm aur jati ke log) ke prati krodhi aur hinsak banati hain. Achchhi shiksha paddhati unhen asahishnuta ko niyantrit karana sikhati hain. Bachchon ke skuli jivan se hi sahishnuta ko vyavahar mein lana sikhaya jana chahiye. Unhen samaj mein vividhata ko svikar karana bhi sikhana chahiye.

asahishnuta ke prabhav

asahishnuta logon, samaj aur rashtr ki chinta ka vishay hain kyonki ye vibhinn samudayon ke logon ke bich hinsa ko janm deta hain. Ye un logon ke liye samaj se bahishkar ka karan banata hain jo vibhinn samudayon se sambandh rakhate hain jaise, gair-musalim samuday mein muslamanon ka bahishkar kiya jata hain aur isake viparit bhi. Asahishnuta manushy ke dimag ko sankirn banati hain aur samaj va rashtr ke vikas ke liye avashyak sakaratmak sudharon ko svikar karane se rokati hain. Ye bahut hi uchch star ki vinashakari shakti rakhati hain aur jis rashtr mein bhi isaka astitv hain usake liye bahut bhayanak hain. Isaliye ise kisi bhi desh, samaj aur samuday mein badhane se rokana chahiye.

asahishnuta ke sath samajhauta kaise karen?

logon ke bich sahishnuta ko badhava dena chahiye aur asahishnuta ko hatotsahit karana chahiye. Sahishnuta ko kai prayogon ke dvara badhava dena chahiye. Antarang antar samuh sampark ek dusare ke niji anubhavon ko badhata hai aur asahishnuta ko kam karata hai. Antarang antar samuh sampark ko prabhavi aur upayogi banane ke liye jari rakha jana chahiye. Varta tantr bhi donon pakshon par sanchar ko badhane ke liye karagar ho sakata hai. Ye unaki jaruraton aur hiton ko vyakt karane ke liye logon ki madad karata hain. Midiya ko bhi sanskrtik sanvedanashilata ke prati sahishnuta aur samajh ko badhava dene ke liye sakaratmak chhaviyon ka chayan karana chahiye. Shiksha, samaj mein sahishnuta aur shantipurn sahastitv ko badhava dene ke liye sabase achchha tarika hai. Chhatron ko skul mein sahishnu vatavaran pradan kiya jana chahiye taki vo vibhinn sanskrtiyon ka samman kar sake aur unhen samajh saken. Chhatr sahishnu mahaul mein behatar sanskrtik samajh vikasit kar sakate hain.

Terrorism Essay Nibandh

Atankavad par nibandh
atankavad par nibandh 1 (100 shabd)

atankavad hinsa ka ek gair-kanuni tarika hai jo logon ko darane ke liye atankavadiyon dvara prayog kiya jata hai. Aj, atankavad ek samajik mudda ban chuka hai. Isaka istemal am logon aur sarakar ko darane-dhamakane ke liye ho raha hai. Bahut asani se apane lakshy ko prapt karane ke liye vibhinn samajik sangathan, rajanitigy aur vyaparik udyogon ke dvara atankavad ka istemal kiya ja raha hai. Logon ka samuh jo atankavad ka samarthan karate hain unhen atankavadi kahate hain. Atankavad ko paribhashit karana bahut asan nahin hai kyonki isane apani jaden bahut gaharai tak jamayi huyi hai. Atankavadiyon ke pas koi niyam aur kanun nahin hai; ye samaj aur desh mein atank ke star ko badhane aur utpann karane ke liye keval hinsatmak gatividhiyon ka sahara lete hain.

atankavad par nibandh 2 (150 shabd)

pure vishv ke liye atankavad ek rashtriy aur antararashtriy samasya ban chuka hai. Ye ek vaishvik samasya hai jisane lagabhag sabhi rashtron ko pratyaksh aur apratyaksh rup se prabhavit kiya hua hai. Halanki bahut sare deshon ke dvara atankavad ka samana karane ki koshish ki ja rahi hai; lekin kuchh logon ke dvara ise aj bhi samarthan diya ja raha hai. Am logon ko kisi bhi samay khaufanak tarike se darane ka ek hinsatmak kukrty hai atankavad. Atankavadiyon ke bahut sare uddeshy hote hain jaise ki samaj mein hinsa ke dar ko failana, rajanitik uddeshyon ki prapti adi. Inake nishane par har vakt desh ka am nagarik hota hai.

ek khas deshon ki sarakar se apani mangon ko pura karavana hi atankavadiyon ka mukhy lakshy hota hai. Aur sarakar tak apani avaj ko pahunchane ke liye vo onalain soshal midiya, samacharapatr ya patrikaon se sampark karate hain logon. Kai bar atankavadi hamale apane vaicharik aur dharmik lakshyon ko pura karane ke liye hote hai.

atankavad par nibandh 3 (200 shabd)

bharat ek vikasit desh hai jisane purv aur vartaman mein bahut sari chunautiyon ka samana kiya hai, atankavad unamen se ek badi rashtriy samasya hai. Bharat ne bhukhamari se hone vali mrtyu, ashiksha, garibi, asamanata, janasankhya visfot aur atankavad jaisi chunautiyon ka samana kiya hai jisane isaki vikas aur vrddhi ko buri tarah prabhavit kiya hai. Atankavadiyon ke dharm, matrbhumi aur dusare gair-tarkik bhavanaon ke uddeshyon ke liye am logon aur sarakar se lad raha atankavad ek bada khatara hai. Atankavadi apane ap ko ek bahadur sainik batate hain halanki, vo vastavik sainik nahin hote hain. Sachche sainik kabhi-bhi am logon ko nukasan nahin pahunchate hain aur vo keval dushmanon se apane desh ko bachane ke liye hi ladate hain. Vastav mein asali sainik vo hote hain jo rashtrahit ke liye ladate hain. Jabaki atankavadi apane khud ke galat uddeshyon ke liye ladate hain.

ek rashtriy sainik apani sabhi jimmedariyon ko samajhata hai jabaki ek atankavadi kabhi-bhi aisa nahin karata. Atankavadiyon ko unaka nam atank shabd se mila hai. Purv mein, atankavad keval kuchh kshetron tak hi simit tha jaise jammu- kashmir halanki; aj ke dinon mein, ye lagabhag sabhi kshetron mein fail chuka hai khasataur se bharat ke uttarapurvi ilakon mein. Hal hi mein, bharat mein atankavadi hamala mumbi mein nariman haus aur taj hotal mein hua tha. Us hamale ne bharat mein kai jindagiyon ko lil liya tha aur bahut arthik hani pahunchayi thi.

atankavad par nibandh 4 (250 shabd)

atankavad ek bada rashtriy mudda hai jo puri jit ke liye manav dimag ka istemal kar raha hai. Logon ko kamajor banane ke liye unhen dara raha hai jisase vo dubara se rashtr par raj kar saken. Isako antararashtriy star par sulajhane ki jarurat hai. Hamen ise jad se khatm karane ke bare mein sochana hoga. Manav mastishk se asadharan atank ko hatane ke sath hi isake samrajy ko puri tarah se nestanabud karane ke liye hamen ek majabut niti banani chahiye. Atankavad apane sakaratmak parinamon ko pane ke liye hisantmak tarika apanata hai.

atankavad ek hinsatmak kukrty hai jisako anjam dene vale samuh ko atankavadi kahate hain. Vo bahut sadharan log hote hain aur dusaron ke dvara unake sath ghatit huye kuchh galat ghatanaon aur ya kuchh prakrtik apadaon ke karan vo kisi tarah apane dimag par se apana niyantran kho dete hain jo unaki ichchhaon ko samany ya svikrt tarike se pura karane ke mein aksham bana deta hai. Dhire-dhire vo samaj ke kuchh bure logon ke prabhav mein a jate hain jahan unaki sabhi ichchhaon ko pura karane ka vada kiya jata hai. Vo sabhi ek sath milate hain aur ek atankavadi samuh banate hain jo ki apane hi rashtr, samaj aur samuday se ladata hai. Atankavad, desh ke sabhi yuvaon ke vikas aur vrddhi ko prabhavit karata hai.

ye rashtr ko uchit vikas se kai varsh pichhe dhakel deta hai. Atankavad desh par angrejon ki tarah raj kar raha hai, jisase hamen fir se ajad hone ki jarurat hai. Halanki, aisa pratit hota hai ki atankavad hamesha apane jad ko gaharai se failata rahega kyonki apane anaitik uddeshyon ki prapti ke liye rashtr ke kuchh amir log abhi-bhi isako samarthan de rahen hain.

atankavad par nibandh 5 (300 shabd)

bharat dher sari chunautiyon ka samana kar raha hai jaise garibi, janasankhya vrddhi, niraksharata, asamanata adi bahut kuchh, fir bhi atankavad in sabase jyada khataranak hai jo puri manav jati ko prabhavit kar raha hai. Ye bahut hi daravani bimari hai jo logon ko manasik aur bauddhik star par prabhavit kar rahi hai. Chahe ye chhote deshon mein hota ho (ayaralaind, izarayal adi) ya bade deshon (yuese, rus adi) mein; ye donon hi jagah chunauti ke rup mein hai. Apane kuchh rajanitik, dharmik ya vyaktigat lakshy ki prapti ke liye atankavadi arthat pareshan logon ke samuh ke dvara hinsatmak tarikon ka prayog atankavad hai. Aj ye dinon-din badhata hi ja raha hai.

atankavad ka koi niyam kanun nahin hota vo keval apani mangon ko pura karane ke liye sarakar ke upar dabav banane ke sath hi atank ko har jagah failane ke liye nirdosh logon ke samuh ya samaj par hamala karate hain. Unaki mange behad khas hoti ho, jo vo chahate hain keval usi ko pura karate hain. Ye manav jati ke liye ek bada khatara hai. Vo kabhi-bhi apane dost, parivar, bachche, mahila ya budhe logon ke liye samajhauta nahin karate hain. Vo keval logon ki bhid par bam girana chahate hain. Vo logon par goliyan chalate hain, vimanon ka apaharan karate hain aur dusari atanki gatividhiyon ko anjam dete hain.

kam se kam samay mein apane mukhy kshetron ya deshon mein atank failane ke liye atankavadi lakshy banate hain. Purv mein, aisa mana jata hai ki atankavadi gatividhiyan keval jammu aur kashmir tak hi simit thi lekin ab ye apani jaden desh ke dusare kshetron mein bhi faila raha hai. Desh mein alag-alag namon ke sath kai sare atankavadi samuh sakriy hain. Apane kary ke anusar rajanitik aur aparadhik atankavad ke do mukhy prakar hain. Kuchh khas lakshyon ko pura karane ke liye prashikshit logon ka samuh hai atankavad. Vibhinn uddeshyon ko pura karane ke liye ek se jyada atanki samuh prashikshit kiye jate hain. Ye ek bimari ki tarah hai jo niyamit taur par fail rahi hai aur ab isake liye kuchh asaradar upachar ki jarurat hai.

atankavad par nibandh 6 (400 shabd)

atankavadi kahe jane vale prashikshit logon ke samuh ke dvara anyayapurn aur hinsatmak gatividhiyon ko anjam dene ki prakriya ko atankavad kahate hain. Vahan keval ek malik hota hai jo samuh ko kisi bhi khas kary ko kisi bhi tarike se karane ka sakht adesh deta hai. Apane anyayi vicharon ki purti ke liye unhen paisa, takat aur prachar ki jarurat hoti hai. Aisi paristhiti mein, ye midiya hoti hai jo kisi bhi rashtr ke samaj mein atankavad ke bare mein khabar failane mein vastav mein madad karati hai. Apani yojana, vichar aur lakshy ke bare mein logon tak pahunch banane ke liye atankavad bhi midiya ka sahara leta hai.

apane uddeshy aur lakshy ke anusar vibhinn atanki samuh ka nam padata hai. Atankavad ki kriya manav jati ko bade paimane par prabhavit karati hai aur logon ko itana dara deti hai ki log apane gharon se bahar nikalane mein darate hain. Vo sochate hain ki atank har jagah hai jaise ghar ke bahar relave steshan, mandir, samajik karyakramon, rashtriy karyakramon adi mein jane se ghabarate hain. Logon ke dimag par raj karane ke sath hi apane kukrtyon kon pracharit aur prasarit karane ke liye adhik janasankhya ke khas kshetron ke tahat atankavadi apane atank ko failana chahate hain. Atankavad ke kuchh haliya udaharan amerika ka 9/11 aur bharat ka 26/11 hamala hai. Isane insanon ke sath hi bade paimane par desh ki arthavyavastha ko bhi chot pahunchayi hai.

rashtr se atankavad aur atank ke prabhav ko khatm karane ke liye, sarakar ke adesh par kadi suraksha ka prabandh kiya gaya hai. Vo sabhi jagah jo kisi bhi vajah se bhid-bhad vali jagah hoti ya ban jati hai jaise samajik karyakram, rashtriy karyakram jaise ganatantr divas, svatantrata divas, mandir adi ko majabut suraksha ghere mein rakha jata hai. Sabhi ko suraksha niyamon ka palan karata padata hai aur otomaitik bodi skainar mashin se gujarana padata hai. Is tarah ke upakaranon ka istemal karane ke dvara suraksha karmiyon ko atankavadi ki maujudagi ka pata lagane mein madad milati hai. Is tarah ki kadi suraksha prabandhan ke bad bhi ham log abhi-bhi atankavad ka khilaf prabhavashali rup se nahin khade ho pa rahen hain.

atanki samuh ko khatm karane ke sath hi atank ke khilaf ladane ke liye har sal hamara desh dher sare paise kharch karata hai. Halanki, ye abhi-bhi ek bimari ki tarah badh rahi hai kyonki rojana naye atankavadi taiyar rahen hain ho. Vo hamari tarah hi bahut samany log hain lekin unhen anyay karane ke liye taiyar kiya jata hai aur apane ek samaj, parivar aur desh ke khilaf ladane ke liye dabav banaya jata hai. Vo is tarah se prashikshit hote hain ki unhen apane jivan se bhi pyar nahin hota, vo ladate samay hamesha apana kurban hone ke liye taiyar rahate hain. Ek bharatiy nagarik ke rup mein, atankavad ko rokane ke liye ham sabhi puri tarah se jimmedar hain aur ye tabhi rukega jab ham kuchh bure aur pareshan logon ki lalach bhari baton mein kabhi nahin ayenge.

Swachh Bharat Abhiyan Essay Nibandh

Svachchh bharat abhiyan nibandh
svachchh bharat abhiyan nibandh 1 (100 shabd)

svachchh bharat abhiyan ko svachchh bharat mishan aur svachchhata abhiyan bhi kaha jata hai | yah ek rashtriy star ka abhiyan hai aur bharat sarakar dvara chalayi ja rahi hai jo ki shaharon aur gaon ki safai ke liye arambh ki gayi hai | is abhiyan mein shauchalayon ka nirman, gramin kshetron mein svachchhata karyakramon ko badhava dena, galiyon va sadakon ki safai, desh ke buniyadi dhanche ko badalana adi shamil hai. Is abhiyan ko adhikarik taur par rajaghat, nai dilli mein 2 aktubar 2014 ko mahatma gandhi ki 145 vin jayanti par pradhanamantri narendr modi dvara shuru kiya gaya tha.

svachchh bharat abhiyan nibandh 2 (150 shabd)

svachchh bharat abhiyan bharat sarakar dvara chalayi gayi ek svachchhata mishan hai. Yah abhiyan 2 aktubar 2014 ko mahatma gandhi ki 145 ven janmadin ke avasar par bharat sarakar ki or se adhikarik taur par shuru kiya gaya tha | yah rajaghat, nai dilli jo ki mahatma gandhi ka antim sanskar ka sthan hai, mein shuru kiya gaya tha. Bharat sarakar 2 aktubar 2019 tak bharat ko svachchh bharat banane ka uddeshy rakhi hai jo ki mahatma gandhi ki 150 vin jayanti hogi |

yah ek rajaniti mukt abhiyan hai aur deshabhakti se prerit hai. Yah pratyek vyakti ke liye ek jimmedari hai aur is desh ko svachchh desh banane ke liye har bharatiy nagarik ki bhagidari ki avashyakata hai | is abhiyan ko safal banane ke liye vishv star par logon ne pahal ki hai. Shikshak aur skul ke chhatr isamen purn utsah aur ullas ke sath shamil ho rahe hai aur svachchh bharat abhiyan ko safal banane ka prayas kar rahe hai |


svachchh bharat abhiyan nibandh 3 (200 shabd)

svachchh bharat abhiyan ke ek rashtravyapi safai abhiyan ke rup mein pradhanamantri narendr modi dvara shuru ki gai ek svachchhata abhiyan hai. Yah ek svachchh bharat ki kalpana ki drshti se lagu kiya gaya hai. Bharat ko ek svachchh desh banana mahatma gandhi ka ek sapana tha isiliye ise mahatma gandhi ki jayanti par bharat sarakar dvara shuru kiya gaya. Mahatma gandhi ne apane vakt mein naro dvara aur logo ko prerit karake svachchh bharat ki koshish ki thi kintu vo logo ki kam ruchi ke karan asafal rahe |

lekin kuchh varsho bad is svachchh bharat mishan ko safal banane ke liye bharat sarakar dvara punah arambh kiya gaya jo ki mahatma gandhi ke 150 vin jayanti tak samapt hone ka anuman hai | yah mahatma gandhi ki 145 vin jayanti par 2 aktubar 2014 mein shuru kiya gaya. Yah bharat ke sabhi nagarikon ke liye ek badi chunauti hai. Yah tabhi sambhav hai jabaki bharat mein rahane vala har vyakti is abhiyan ke liye apani jimmedari ko samajhe hain aur ise ek safal mishan banane ke liye ek sath hokar pura karane ki koshish kare. Prasiddh bharatiy hastiyon ne isaki pahal ki aur pure bharat se ek jagarukata karyakram ke rup mein isaka prasar kiya |


svachchh bharat abhiyan nibandh 4 (250 shabd)

svachchh bharat mishan ya svachchh bharat abhiyan bharat sarakar dvara chalaya gaya ek vishal jan andolan hai joki pure bharat mein safai ko badhava deta hai. Is abhiyan ko 2019 tak ek svachchh bharat ka lakshy rakhate hue 2 aktubar 2014 ko mahatma gandhi ki 150 vin janmadin ke subah avasar par shuru kiya gaya tha. Rashtr pita mahatma gandhi ne bharat ko ek svachchh bharat banane ka sapana dekha aur isake liye hamesha kathin prayas kiye. Rashtrapita ke sapane ko sakar karane ke liye bharat sarakar ne is abhiyan ko shuru karane ka faisala kiya.

is mishan ka uddeshy sabhi gramin aur shahari kshetron ko kavar karana hai taki duniya ke samane ham ek adarsh desh ka udaharan prastut kar sake. Mishan ke uddeshyo mein se kuchh uddeshy hai, khule mein shauch samapt karana, asvasthyakar shauchalayon ko flash shauchalay mein parivartit karana, hath se mal ki safai ko rokana, thos aur taral kachare ka pun: upayog, logon ko safai ke prati jagaruk karana, achchhi adato ke liye prerit karana, shahari aur gramin kshetron mein safai vyavastha anukul banana, va bharat mein nivesh ke liye ruchi rakhane vale sabhi niji kshetron ke liye anukul vatavaran pradan karana adi hai |

is abhiyan mein bahut hi ruchi purn tarika istemal ho raha hai jisame pratyek vyakti 9 logo ko isase judane ke liye amantrit karega aur fir vah pratyek vyakti agale 9 logo ko judane ke liye amantrit karenge aur ye shrnkhala tab tak chalati rahegi jab tak ki bharat ka pratyek nagarik isase jud na jaye |

svachchh bharat abhiyan nibandh 5 (300 shabd)

svachchh bharat abhiyan bharat sarakar dvara chalaye jane vala ek rashtravyapi safai abhiyan hai jisaki shuruvat pradhanamantri narendr modi dvara mahatma gandhi ke 145 ven janmadin ke avasar par 2 aktubar 2014 ko ki gayi thi | yah abhiyan pure bharat mein safai ke uddeshy ko pura karane ke liye shuru kiya gaya hai. Pradhanamantri ne logo se apil ki hai ki vo svachchh bharat mishan se jude aur any logo ko bhi isase judane ki prerit kare taki hamara desh duniya ka sabase achchha aur svachchh desh ban sake | is abhiyan ki shuruvat svayan narendr modi ne sadak ki safai kar ke ki thi |

svachchh bharat abhiyan bharat ki sabase badi kabhi safai abhiyan hai jisake shubharambh par lagabhag 30 lakh skulon aur kolejon ke chhatron aur sarakari karmachariyon ne bhag liya. Shubharambh ke din pradhanamantri ne nau hastiyon ke namo ki ghoshana ki aur unase apane kshetr mein safai abhiyan ko badhane aur am janata ko usase judane ke liye prerit karane ko kaha | unhonne yah bhi kaha ki in hastiyon ko agale 9 logo ko isase judane ke liye prerit karana hai aur ye shrnkhala tab tak chalegi jab tak ki pure bharat tak isaka sandesh na pahunch jaye |

unhonne yah bhi kaha ki har bharatiy ise ek chunauti ke rup mein le aur ise safal abhiyan banane ke liye apana pura prayas kare. Nau logon ki shrrnkhala ped ki ek shakhaon ki tarah hai. Unhonne am janata ko isase judane ke liye anurodh kiya aur kaha ki ve safai ki tasvir soshal midiya jaise ki fesabuk, tvitar va any vebasait par dalen aur any logo ko bhi isase judane ke liye prerit kare. Is tarah bharat ek svachchh desh ho sakata hai.


svachchh bharat abhiyan nibandh 6 (400 shabd)

rashtrapita mahatma gandhi ne bharat ki svatantrata se pahale apane samay ke dauran "svachchhata ajadi se adhik mahatvapurn hai" kaha tha. Bharat ke ve bure aur gandi sthiti se achchhi tarah parichit the | unhonne bharat ke logon ko saf-safai aur svachchhata ke bare aur isase apane dainik jivan mein shamil karane pe bahot jor diya tha. Halanki yah logo ke kam ruchi ke karan asafal raha. Bharat ki ajadi ke kai varshon ke bad, safai ke prabhavi abhiyan ke rup mein ise arambh kiya gaya hai aur logo ke sakriy bhagidari chahati hai jisase is mishan ko safalata mile.

bharat ke rashtrapati pranab mukharji ne jun 2014 mein sansad ko sambodhit karate hue kaha ki "ek svachchh bharat mishan shuru kiya jayega jo desh bhar mein svachchhata, vest mainejament aur svachchhata sunishchit karane ke liye hoga. Yah mahatma gandhi ki 150 vin jayanti par 2019 mein hamare taraf se shraddhanjali hogi ". Mahatma gandhi ke sapane ko pura karane aur duniya bhar mein bharat ko ek adarsh desh banane ke kram mein, bharat ke pradhanamantri ne mahatma gandhi ke janmadin (2 aktubar 2014) par svachchh bharat abhiyan namak ek abhiyan shuru kiya. Is abhiyan ke pura hone ka lakshy 2019 hai jo ki mahatma gandhi ki 150 vin jayanti hai |

is abhiyan ke madhyam se bharat sarakar vest mainejament takanikon ko badhane ke dvara svachchhata ki samasyaon ka samadhan karegi. Svachchh bharat andolan puri tarah se desh ki arthik takat ke sath juda hua hai. Mahatma gandhi ke janm ki tarikh mishan ke shubharambh aur samapan ki tarikh hai. Svachchh bharat mishan shuru karane ke pichhe mul lakshy, desh bhar mein shauchalay ki suvidha dena, sath hi dainik dinacharya mein logon ke sabhi asvasth adato ko samapt karana hai. Bharat mein pahali bar safai abhiyan 25 sitambar 2014 mein shuru huyi aur isaka arambh pradhanamantri narendr modi dvara sadak ki safai se ki gayi |

is mishan ki safalata paroksh rup se bharat mein vyapar ke niveshakon ka dhyan akarshit karana, jidipi vikas dar badhane ke liye, duniya bhar se paryatakon ko dhyan khinchana, rojagar ke sroton ki vividhata lane ke liye, svasthy lagat ko kam karane, mrtyu dar ko kam karane, aur ghatak bimari ki dar kam karane aur bhi kai chijo mein sahayak hongi. Svachchh bharat adhik paryatakon ko layegi aur isase arthik halat mein sudhar hogi. Bharat ke pradhanamantri ne har bharatiy ko 100 ghante prati varsh samarpit karane ke liye anurodh kiya hai joki 2019 tak is desh ko ek svachchh desh banane ke liye paryapt hai |

svachchh bharat abhiyan nibandh 7 (500 shabd)

svachchh bharat abhiyan bharat ko gandagi-rahit banane ki ek aisi muhim aur abhiyan hai jo rashtriy andolan ke rup mein bharat sarakar dvara desh ke 4041 sanvidhik nagar ki adharabhut sanrachana, sadake, aur paidal marg, ki saf-safai ka lakshy kar arambh kiya gaya hai. Bharat ke pradhanamantri narendr modi ne adhikarik rup se isaki shuruat 2 aktubar 2014 gandhi jayanti ke din nai dilli ke rajaghat par kiya. Is abhiyan ke arambh ke dauran pradhanamantri modi ne khud sadak ko saf kiya. Ye abhi tak ka sabase bada safai abhiyan hai jisamen 30 lakh sarakari karmachariyon ke sath skul kolejon ke bachchon ne bhi badh-chadh kar hissa liya.

is abhiyan ki shuruat ke din pradhanamantri ne kala, khel aur sahity se jude 9 hastiyon ko namit kiya apane-apane kshetron mein is mishan ko age badhane ke liye. Skul kolejon ne bhi apane tarike se kai sare karyakram ayojit kar isamen bhag liya. Pradhanamantri modi ne un nau namit logon se agrah kiya ki vo apani taraf se nau vyakti chune jo bharat svachchhata abhiyan mein puri ichchhashakti se bhag le aur is tarah ek puri manav shrrnkhala ka nirman ho jisamen desh ke har kone se har bharatiy shamil ho aur ise rashtr mishan ke rup mein age badhaye.

kisi ped ki shakhaon ki tarah hi is mishan ka bhi makasad bharat ke har-ek vyakti ko jodana hai, chahe vo kisi bhi vyavasay se ho. Svachchh bharat mishan ka lakshy garibi rekha se niche jivan-yapan kar rahe sabhi parivaron ko svasthy prad shauchalay pradan karana hai, bekar shauchalay ko alp lagat svasthy-prad shauchalayon mein badalana, haind pamp upalabdh karana, surakshit nahana, svachchhata sambandhi bajar ho, nikas nali, thos aur drav kachare ki uchit vyavastha ho, shiksha aur svasthy ke prati jagarukata ho, gharelu aur paryavaran sambandhi safai vyavastha adi.

bharat sarakar dvara vyaktigat svachchhata aur paryavaraniy svachchhata ko lekar isake pahale kai sare jagarukata karyakram (jaise purnan svachchhata abhiyan, nirmal bharat abhiyan adi) prarambh kiye gaye the lekin is tarah ke abhiyan jyada prabhavi sabit nahin hue. Is abhiyan ka mukhy lakshy khule mein shauch ki pravrti ko khatm karana, asvasthayakar shauchalayon ko bahane vale shauchalayon mein tabdil karana, hath se shauch ki safai na karana, thos aur drav kachare ko achachhi tarah se nipatan kar dena, saf-safai ko lekar logon ko jagaruk karana, logon ke soch mein badalav lana, saf-safai ke suvidhaon ke prati praivet kshetron ki bhagidari ko sugam banana adi.

is mishan mein pradhanamantri dvara namit kiye gaye nau sadasy the, salaman khan, anil ambani, kamal hasan, komediyan kapil sharma, priyanka chopada, baba ramadev, sachin tendulakar, shashi tharur aur prasiddh tivi dharavahik "tarak mehata ka ulta chashma ki puri tim . Bharatiy film abhineta amir khan ko isake shubharambh ke mauke par amantrit kiya gaya tha. Is abhiyan ke liye pradhanamantri dvara kai braind embesdars ka bhi chunav kiya gaya tha jinako svachchh-bharat abhiyan ko alag-alag kshetron mein prarambh aur protsahit karane ki jimmedari thi. 8 navambar 2014 ko unhonne kuchh aur logon ko isase joda (mohamd kaif, suresh raina, akhilesh yadav, svami ramabhadracharya, kailash kher, raju shrivastav, manu sharma, devi prasad dvivedi aur manoj tivari) aur 25 disambar 2014 ko saurav ganguli, kiran bedi , ramo ji rav, sonal manasinh, aur padamanabha acharya adi ko svachchh bharat abhiyan ka hissa banaya.

kai sare dusare karyakram jaise svachchh bharat ran, svachchh bharat aips, riyal taim monitaring sistam, svachchh bharat laghu film, svachchh bharat nepal abhiyan adi is mishan ke uddeshay ko sakriyata se samarthan karane ke liye prarambh aur lagu kiya gaya.

svachchh bharat abhiyan nibandh 8 (1400 shabd)

parichay:

svachchh bharat abhiyan ki shuruat sarakar dvara desh ko svachchhata ke pratik ke rup mein pesh karana hai. Svachchh bharat ka sapana mahatma gandhi ke dvara dekha gaya tha jisake sandarbh mein gandhiji ne kaha ki, "svachchhata svatantrata se jyada jaruri hai" unake apane samay mein vo desh ki garibi aur gandagi se achchhe se avagat the isi vajah se unhonne apane sapanon ko pane ke liye kai sare prayas kiye, lekin safal nahin ho sake. Jaisa ki unhonne svachchh bharat ka sapana dekha tha, unhonne kaha ki nirmalata aur svachchhata donon hi svasth aur shantipurn jivan ka anivary bhag hai. Lekin durbhagy se bharat ajadi ke 67 sal bad bhi in donon lakshyon se kafi pichhe hai. Agar ankado ki bat karen to keval kuchh pratishat logon ke gharon mein shauchalay hai, isiliye bharat sarakar puri gambhirata se bapu ki is soch ko hakikat ka rup dene ke liye desh ke sabhi logon ko is mishan se jodane ka prayas kar rahi hai jisase vishv bhar mein ye safal ho sake.

is mishan ko apane prarambh ki tithi se bapu ki 150 vin punyatithi (2 akdubar -2019) tak pura karane ka lakshy hai. Is abhiyan ko safal banane ke liye sarakar ne sabhi logon se nivedan kiya ki vo apane asapas aur dusari jagahon par sal mein sirf 100 ghante safai ke liye den. Isako lagu karane ke liye bahut sari nitiyan aur prakriya hai jisamen tin charan hai, yojana charan, karyanvayan charan, aur nirantarata charan.

svachchh bharat abhiyan kya hai?

svachchh bharat abhiyan ek rashtriy svachchhata muhim hai jo bharat sarakar dvara sthapit kiya gaya hai, isake tahat 4041 sanvidhik nagaron ke sadak, paidal marg aur any kai sthal ate hai. Ye ek bada andolan hai jisake tahat bharat ko 2019 tak purnant: svachchh banana hai. Isamen svasth aur sukhi jivan ke liye mahatma gandhi ke svachchh bharat ke sapane ko age badhaya gaya hai. Is mishan ko 2 aktubar 2014 (145 vin janm divas) ko bapu ke janm divas ke shubh avasar par arambh kiya gaya hai aur 2 aktubar 2019 (bapu ke 150 vin janm divas) tak pura karane ka lakshy rakha gaya hai. Bharat ke shahari vikas tatha peyajal aur svachchhata mantralay ke tahat is abhiyan ko gramin aur shahari donon kshetron mein lagu kiya gaya hai.

is mishan ka pahala svachchhata abhiyan (25 sitambar 2014) bharatiy pradhanamantri dvara isake pahale shuru kiya ja chuka tha. Isaka uddeshy safai vyavastha ki samasya ka samadhan nikalana sath hi sabhi ko svachchhata ki suvidha ke nirman dvara pure bharat mein behatar mal prabandhan karana hai.

svachchh bharat abhiyan ki jarurat

apane uddeshy ki prapti tak bharat mein is mishan ki karyavahi nirantar chalati rahani chahiye. Bhautik, manasik, samajik aur bauddhik kalyan ke liye bharat ke logon mein isaka ehasas hona behad avashyak hai. Ye sahi mayanon mein bharat ki samajik sthiti ko badhava dene ke liye hai jo har taraf svachchhata lane se shuru kiya ja sakata hai. Yahan niche kuchh bindu ullikhit kiye ja rahe hai jo svachchh bharat abhiyan ki avashyakata ko dikhate hai.

ye behad jaruri hai ki bharat ke har ghar mein shauchalay ho sath hi khule mein shauch ki pravrti ko bhi khatm karane ki avashyakata hai.
asvasthyakar shauchalay ko pani se bahane vale shauchalayon se badalane ki avashyakata hai.
hath ke dvara ki jane vali saf-safai ki vyavastha ka jad se khatma jaruri hai.
nagar nigam ke kachare ka punarchakran aur dubara istemal, surakshit samapan, vaigyanik tarike se mal prabandhan ko lagu karana.
khud ke svasthy ke prati bharat ke logon ki soch aur svabhav mein parivartan lana aur svasthyakar saf-safai ki prakriyon ka palan karana.
gramin kshetron mein rahane vale logon mein vaishvik jagarukata ka nirman karane ke liye aur samany logon ko svasthy se jodane ke liye.
isamen kam karane vale logon ko sthaniy star par kachare ke nishpadan ka niyantran karana, khaka taiyar karane ke liye madad karana.
pure bharat mein saf-safai ki suvidha ko vikasit karane ke liye niji kshetron ki hissedari badhana.
bharat ko svachchh aur hariyali yukt banana.
gramin kshetron mein jivan ki gunavatta mein sudhar lana.
svasthy shiksha karyakramon ke madhyam se samudayon aur panchayati raj sansthanon ko nirantar saf-safai ke prati jagaruk karana.
vastav mein bapu ke sapanon ko sach karane ke liye ye sab karana hai.

shahari kshetron mein svachchh bharat abhiyan

shahari kshetron mein svachchh bharat mishan ka lakshy har nagar mein thos kachara prabandhan sahit lagabhag sabhi 1.04 karod gharon ko 2.6 lakh sarvajanik shauchalay, 2.5 lakh samudayik shauchalay upalabdh karana hai. Samudayik shauchalay ke nirman ki yojana rihayashi ilakon mein ki gai hai jahan par vyaktigat gharelu shauchalay ki upalabdhata mushkil hai isi tarah sarvajanik shauchalay ki pradhikrt sthanon par jaise bas addon, relave steshan, bajar adi jagahon par. Shahari kshetron mein svachchhata karyakram ko panch varshon ke andar 2019 tak pura karane ki yojana hai. Isamen thos kachara prabandhan ki lagat lagabhag 7366 karod rupaye hai, 1828 karod jan samany ko jagaruk karane ke liye hai, 655 karod rupaye samudayik shauchalayon ke liye, 4165 karod niji gharelu shauchalayon ke liye adi. Vo karyakram jinhen pura karane ka lakshy rakha gaya hai-khule mein shauch ki pravrti ko jad se hatana, asvathyakar shauchalay ko pani se bahane vale shauchalayon mein parivartan, khule hathon se saf-safai ki pravrti ko hatana, logon ki soch mein parivartan lana aur thos kachara prabandhan karana.

panchayat, jila parishad, aur panchayat samiti ki achchhi bhagidari hai. Nimnalikhit svachchh bharat mishan (gramin) ka lakshy hai:

gramin kshetron me rah rahe logon ke jivan star mein sudhar lana.
2019 tak svachchh bharat ke lakshy ko pura karane ke liye gramin kshetron mein saf-safai ke liye logon ko prerit karana.
jaruri saf-safai ki suvidhaon ko nirantar upalabdh karane ke liye panchayati raj sansthan, samuday adi ko prerit karate rahana chahiye.
gramin kshetron mein thos aur drav kachara prabandhan par khasataur se dhyan dena tatha unnat paryavaraniy saf-safai vyavastha ka vikas karana jo samudayon dvara prabandhaniy ho.
gramin kshetron mein nirantar saf-safai aur paristhitik suraksha ko protsahit karana.

svachchh bharat-svachchh vidyalay abhiyan

ye abhiyan kendriy manav sansadhan mantralay dvara chalaya gaya aur isaka uddeshy bhi skulon mein svachchhata lana hai. Is karyakram ke tahat 25 sitambar 2014 se 31 aktubar 2014 tak kendriy vidyalay aur navoday vidyalay sangathan jahan kai sare svachchhata kriya-kalap ayojit kiye gaye jaise vidyarthiyon dvara svachchhata ke vibhinn pahaluon par charcha, isase sambandhit mahatma gandhi ki shiksha, svachchhata aur svathy vigyan ke vishay par charcha, svachchhata kriya-kalap (kaksha mein, pustakalay, prayogashala, maidan, bagicha, kichan shed dukan, khanapan ki jagah ityadi). Skul kshetr mein safai, mahan vyaktiyon ke yogadan par bhashan, nibandh lekhan pratiyogita, kala, film, charcha, chitrakari, tatha svathy aur svachchhata par natak manchan adi. Isake alava saptah mein do bar saf-safai abhiyan chalaya jana jisamen shikshak, vidyarthi, aur mata-pita sabhi hissa lenge.

nishkarsh

is tarah ham kah sakate hai ki 2019 tak bharat ko svachchh aur hara-bhara banane ke liye svachchh bharat abhiyan ek svagat yogy kadam hai. Jaisa ki ham sabhi ne kahavat mein suna hai svachchhata bhagavan ki or agala kadam hai. Ham vishvas ke sath kah sakate hai ki agar bharat ki janata dvara prabhavi rup se isaka anusaran kiya gaya to ane vale chand varshon mein svachchh bharat abhiyan se pura desh bhagavan ka nivas sthal sa ban jayega. Chunki svachchhata se ishvar ka garmajoshi se svagat shuru ho chuka hai to hamen bhi apane jivan mein svachchhata ko jari rakh unako banaye rakhane ki avashyakata hai, ek svasthy desh aur svasthy samaj ko jarurat hai ki usake nagarik svasthy rahen tatha har vyavasay mein svachchh ho.

Female Foeticide Essay Nibandh

Kanya bhrun hatya par nibandh
kanya bhrun hatya par nibandh 1 (100 shabd)

1990 mein chikitsa kshetr mein abhibhavakiy ling nirdharan jaise takaniki unnati ke agaman ke samay se bharat mein kanya bhrun hatya ko badhava mila. Halanki, isase pahale, desh ke kai hisson mein bachchiyon ko janm ke turant bad mar diya jata tha. Bharatiy samaj mein, bachchiyon ko samajik aur arthik bojh ke rup mein mana jata hai isaliye vo samajhate hain ki unhen janm se pahale hi mar dena behatar hoga. Koi bhi bhavishy mein isake nakaratmak pahalu ko nahin samajhata hai. Mahila ling anupat purushon ki tulana mein bade star par gira hai (8 purushon par 1 mahila). Agale panch varshon mein agar ham puri tarah se bhi kanya bhrun hatya par rok laga den tab bhi isaki kshatipurti karana asan nahin hoga.


kanya bhrun hatya par nibandh 2 (150 shabd)

keval isaliye ki janm lene vala bachcha ek ek ladaki hai, man ke garbh se garbhavastha ke 18 hafton bad svasth kanya ke bhrun ko hatana kanya bhrun hatya hai. Mata-pita aur samaj ek ladaki ko unake upar ek bojh manate hai aur samajhate hai ki ladakiyan upabhokta hoti hain jabaki ladake utpadak hote hain. Prachin samay se hi ladakiyon ke bare mein bharatiy samaj mein bahut sare mithak hain ki ladakiyan hamesha leti hain aur ladake hamesha dete hain. Varshon se samaj mein kanya bhrun hatya ki kai vajahen rahin hai. Halanki, niyamit tarike se uthaye gaye kuchh kadamon ke dvara ise hataya ja sakata hai:

• chikitson ke liye majabut niti sambandhi niyamavali hona chahiye.
• harek ko ling parikshan ko hatane ke paksh mein hona chahiye aur samaj mein ladakiyon ke khilaf paramparik shiksha se dur rahana chahiye.
• dahej pratha jaisi samajik buraiyon se nipatane ke liye mahilaon ko sashakt hona chahiye.
• sabhi mahilaon ke liye turant shikayat rajistreshan pranali honi chahiye.
• am logon ko jagaruk karane ke liye kanya bhrun hatya jagarukata karyakram hona chahiye.
• ek nishchit antaral ke bad mahilaon (mahilaon ki mrtyu, ling anupat, ashiksha aur arthavyavastha mein bhagidari ke sambandh mein,) ki sthiti ka mulyankan hona chahiye.

kanya bhrun hatya par nibandh 3 (200 shabd)

prachin samay se hi, mahilaon ko bharatiy samaj mein apane parivar aur samaj ke liye ek abhishap ke rup mein dekha jata hai. In karanon se, takaniki unnati ke samay se hi bharat mein bahut varshon se kanya bhrun hatya ki pratha chal rahi hai. 2001 ke sensas ke ankadon ke anusar, purush aur stri anupat 1000 927 hai se. Kuchh varsh pahale, lagabhag sabhi jode janm se pahale shishu ke ling ko janane ke liye ling nirdharan janch ka istemal karate the. Aur ling ke ladaki hone par garbhapat nishchit hota tha.

1990 ke arambh mein ling nirdharan parikshan ka kendr altrasaund takanik ka vikas tha. Bharatiy samaj ke log ladake se purv sabhi bachchiyon ko marane ke dvara ladaka prapt karane tak lagatar bachche paida karane ke adi the. Janasankhya niyantran aur kanya bhrun hatya ko rokane ke liye, kanya bhrun hatya aur ling nirdharan janch ke bad garbhapat ki pratha ke khilaf bharatiy sarakar ne vibhinn niyam aur niyaman banaye. Garbhapat ke dvara bachchiyon ki hatya pure desh mein ek aparadh hai. Chikitson dvara yadi ling parikshan aur garbhapat karate paya jata hai, khasataur se bachchiyon ki hatya ki jati hai to vo aparadhi honge sath hi unaka laisens radd kar diya jata hai. Kanya bhrun hatya se nizat pane ke liye samaj mein ladakiyon ki mahatta ke bare mein jagarukata failana ek mukhy hathiyar hai.

kanya bhrun hatya par nibandh 4 (250 shabd)

kanya bhrun hatya kya hai

altrasaund skain jaisi ling parikshan janch ke bad janm se pahale man ke garbh se ladaki ke bhrun ko samapt karane ke liye garbhapat ki prakriya ko kanya bhrun hatya kahate hain. Kanya bhrun ya koi bhi ling parikshan bharat mein gair-kanuni hai. Ye un abhivavakon ke liye sharm ki bat hai jo sirf balak shishu hi chahate hain sath hi isake liye chikitsak bhi khasataur se garbhapat karane mein madad karate hain.

kanya bhrun hatya ke karan

kanya bhrun hatya shatabdiyon se chala a raha hai, khasataur se un parivaron mein jo keval ladaka hi chahate hain. Isake pichhe vibhinn dharmik, samajik, arthik aur bhavanatmak karan bhi hai. Ab samay bahut badal chuka hai halanki, vibhinn karan aur manyatayen kuchh parivar mein aj bhi jari hai.

kanya bhrun hatya ke kuchh mukhy karan hain:

amataur par mata-pita ladaki shishu ko talate hain kyonki unhen ladaki ki shadi mein dahez ke rup mein ek badi kimat chukani hoti hai.
aisi manyata hai ki ladakiyan hamesha upabhokta hoti hain aur ladake utpadak hote hain. Abhivavak samajhate hain ki ladaka unake liye jivan bhar kamayega aur unaka dhyan dega jabaki ladaki ki shadi hogi aur chali jayegi.
aisa mithak hai ki bhavishy mein putr hi parivar ka nam age badhayega jabaki ladakiya pati ke ghar ke nam ko age badhati hain.
abhivavak aur dada-dadi samajhate hain ki putr hone mein hi samman hai jabaki ladaki hona sharm ki bat hai.
parivar ki nayi bahu par ladake ko janm dene ka dabav rahata aur isi vajah se ling parikshan ke liye unhen dabav banaya jata hai aur ladaki hone par jabaran garbhapat karaya jata hai.
ladaki ko bojh samajhane ki ek mukhy vajah logon ki ashiksha, asuraksha aur garibi hai.
vigyan mein takaniki unnati aur sarthakata ne abhivavakon ke liye isako asan bana diya hai.


kanya bhrun hatya par nibandh 5 (300 shabd)

parichay

keval ek ladaki hone ki vajah se usaka samay pura hone ke pahale hi kokh mein ek balika bhrun ko khatm karana hi kanya bhrun hatya hai. Ankadon ke anusar, aisa paya gaya hai ki purush aur mahila linganupat 1961 102.4 mein purush par 100 mahila, 1981 104.1 mein purushon par 100 mahila, 2001 mein 107.8 purushon par 100 mahila aur 2011 mein 108.8 purushon par 100 mahila hain. Ye dikhata hai ki purush ka anupat har bar niyamit taur par badh raha hai.

bharat mein vahan karane yogy altrasaund takanik ke ane ke sath hi lagabhag 1990 ke prarambh mein hi kanya bhrun hatya shuruat ho chuki thi.

bharat mein 1979 mein altrasaund takanik ki pragati ayi halanki isaka failav bahut dhime tha. Lekin varsh 2000 mein vyapak rup se failane laga. Isaka ankalan kiya gaya ki 1990 se, ladaki hone ki vajah se 10 miliyan se jyada kanya bhrunon ka garbhapat ho chuka hai. Ham dekh sakate hain ki itihas aur sanskrtik prshthabhumi ke dvara kanya bhrun hatya kiya ja raha hai. Purv mein, log manate hain ki balak shishu adhik shreshth hota hai kyonki vo bhavishy mein parivar ke vansh ko age badhane ke sath hi hastachalit shram bhi upalabdh karayega. Putr ko parivar ki sampatti ke rup mein dekha jata hai jabaki putri ko jimmedari ke rup mein mana jata hai.

prachin samay se hi bharatiy samaj mein ladakiyon ko ladakon se kam samman aur mahatv diya jata hai. Shiksha, svasthy, poshan, khel adi kshetron mein ladakon ki tarah inaki pahunch nahin hoti hai. Ling chayanatmak garbhapat se ladane ke liye, logon ke bich mein atyadhik jagarukata ki jarurat hai. "betiyan anamol hoti hain" ke apane pahale hi bhag ke dvara am logon ke bich jagarukata badhane ke liye ti.vi par amir khan ke dvara chalaye gaye ek prasiddh karyakram satyamev jayate ne kamal ka kam kiya hai. Jagarukata karyakram ke madhyam se batane ke liye is mudde par sanskrtik hastakshep ki jarurat hai. Ladakiyon ke adhikar ke sandarbh mein hal ke jagarukata karyakram jaise beti bachao beti padhaon ya balika suraksha abhiyan adi banaye gaye hain.


kanya bhrun hatya par nibandh 6 (400 shabd)

parichay

garbh se ling parikshan janch ke bad balika shishu ko hatana kanya bhrun hatya hai. Keval pahale ladaka pane ki parivar mein bujurg sadasyon ki ichchhaon ko pura karane ke liye janm se pahale balika shishu ko garbh mein hi mar diya jata hai. Ye sabhi prakriya parivarik dabav khasataur se pati aur sasural paksh ke logon ke dvara ki jati hai. Garbhapat karane ke pichhe samany karan aniyojit garbh hai jabaki kanya bhrun hatya parivar dvara ki jati hai. Samaj mein anachahe rup se paida hui ladakiyon ko marane ki pratha sadiyon se hai bharatiy.

logon ka manana hai ki ladake parivar ke vansh ko jari rakhate hain jabaki vo ye behad asan si bat nahin samajhate ki duniya mein ladakiyan hi shishu ko janm de sakati hain, ladake nahin.

kanya bhrun hatya ka karan

• kuchh sanskrtik aur samajik-arthik nitiyon ke karan purane samay se kiya ja raha kanya bhrun hatya ek anaitik kary hai. Bharatiy samaj mein kanya bhrun hatya ke nimn karan hain:
• kanya bhrun hatya ki mukhy vajah balika shishu par balak shishu ki prathamikata hai kyonki putr ay ka mukhy strot hota hai jabaki ladakiyan keval upabhokta ke rup mein hoti hain. Samaj mein ye galatafahami hai ki ladake apane abhivavak ki seva karate hain jabaki ladakiyan paraya dhan hoti hai.
• dahez vyavastha ki purani pratha bharat mein abhivavakon ke samane ek badi chunauti hai jo ladakiyan paida hone se bachane ka mukhy karan hai.
• purushavadi bharatiy samaj mein mahilaon ki sthiti nimn hai.
• abhivavak manate hain ki putr samaj mein unake nam ko age badhayenge jabaki ladakiyan keval ghar sambhalane ke liye hoti hain.
• gair-kanuni ling parikshan aur balika shishu ki samapti ke liye bharat mein dusara bada karan garbhapat ki kanuni manyata hai.
• takaniki unnati ne bhi kanya bhrun hatya ko badhava diya hai.

niyantran ke liye prabhavakari upay:

jaisa ki ham sabhi janate hain ki mahilaon ke bhavishy ke liye kanya bhrun hatya ek aparadh aur samajik apada hai. Bharatiy samaj mein hone kanya bhrun hatyaon ke karanon ka hamen dhyan dena chahiye aur niyamit taur par ek-ek karake sabhi ko sulajhana chahiye. Laingik bhedabhav ki vajah se hi mukhyat: kanya bhrun hatya hoti hai. Isake upar niyantran ke liye kanuni shikanja hona chahiye. Bharat ke sabhi nagarikon dvara isase sambandhit niyamon ka kadai se palan karana chahiye. Aur is kruratam aparadh ke liye kisi ko bhi galat paye jane par nishchit taur par saja milani chahiye. Chikitson ke isamen shamil hone ki sthiti mein unaka sthayi taur par laisens ko radd karana chahiye. Gairakanuni ling parikshan aur garbhapat ke liye khasataur se medikal upakaranon ke vipanan ko rokana chahiye. Un abhivavakon ko dandit karana chahiye jo apani ladaki ko marana chahate hain. Yuva jodon ko jagaruk karane ke liye niyamit abhiyan aur seminar ayojit karane chahiye. Mahilaon ka sashaktikaran hona chahiye jisase vo apane adhikaron ke prati adhik sachet ho saken.

Women Empowerment Essay Nibandh

Mahila sashaktikaran par nibandh
mahila sashaktikaran par nibandh 1 (100 shabd)

apani niji svatantrata aur svayan ke faisale lene ke liye mahilaon ko adhikar dena hi mahila sashaktikaran hai. Parivar aur samaj ki hadon ko pichhe chhodane ke dvara faisale, adhikar, vichar, dimag adi sabhi pahaluon se mahilaon ko adhikar dena unhen svatantr banane ke liye hai. Samaj mein sabhi kshetron mein purush aur mahila donon ko liye barabari mein lana hoga. Desh, samaj aur parivar ke ujjaval bhavishy ke liye mahila sashaktikaran behad jaruri hai. Mahilaon ko svachchh aur upayukt paryavaran ki jarurat hai jisase ki vo har kshetr mein apana khud ka faisala le saken chahe vo svayan, desh, parivar ya samaj kisi ke liye bhi ho. Desh ko puri tarah se vikasit banane tatha vikas ke lakshy ko pane ke liye ek jaruri hathiyar ke rup mein hai mahila sashaktikaran.


mahila sashaktikaran par nibandh 2 (150 shabd)

bharatiy sanvidhan ke pravadhan ke anusar, purushon ki tarah sabhi kshetron mein mahilaon ko barabar adhikar dene ke liye kanuni sthiti hai. Bharat mein bachchon aur mahilaon ke uchit vikas ke liye is kshetr mein mahila aur bal vikas vibhag achchhe se kary kar raha hai. Prachin samay se hi bharat mein mahilayen agrani bhumika mein thi halanki unhen har kshetr mein hastakshep ki izajat nahin thi. Apane vikas aur vrddhi ke liye unhen har pal majabut, jagaruk aur chaukanna rahane ki jarurat hai. Vikas ka mukhy uddeshy mahilaon ko samarth banana hai kyonki ek sashakt mahila apane bachchon ke bhavishy ko banane ke sath hi desh ka bhavishy ka sunishchit karati hai.

vikas ki mukhyadhara mein mahilaon ko lane ke liye bharatiy sarakar ke dvara kai yojanaon ko nirupit kiya kiya gaya hai. Pure desh ki janasankhya mein mahilaon ki bhagidari adhe ki hai aur mahilaon aur bachchon ke sarvangin vikas ke liye har kshetr mein inhen svatantrata ki jarurat hai.


mahila sashaktikaran par nibandh 3 (200 shabd)

bharat ek prasiddh desh hai jo prachin samay se hi apani sabhyata, sanskrti, sanskrtik virasat, parampara, dharm aur bhaugolik visheshataon ke liye jana jata hai. Jabaki dusari or, ye apane purushavadi rashtr ke rup mein bhi jana jata hai. Bharat mein mahilaon ko pahali prathamikata di jati hai halanki samaj aur parivar mein unake sath bura vyavahar bhi kiya jata hai. Vo gharon ki charadivari tak hi simit rahati hai aur unako sirf parivarik jimmedariyon ke liye samajha jata hai. Unhe apane adhikaron aur vikas se bilkul anabhigy rakha jata hai. Bharat ke log is desh ko man ka darja dete hai lekin man ke asali arth ko koi nahin samajhata ye ham sabhi bharatiyon ki man hai aur hamen isaki raksha aur dhyan rakhana chahiye.

is desh mein adhi abadi mahilaon ki hai isaliye desh ko puri tarah se shaktishali banane ke liye mahila sashaktikaran bahut jaruri hai. Unake uchit vrddhi aur vikas ke liye har kshetr mein svatantr hone ke unake adhikar ko samajhana mahilaon ko adhikar dena hai. Mahilayen rashtr ke bhavishy ke rup mein ek bachche ko janm deti hai isaliye bachchon ke vikas aur vrddhi ke dvara rashtr ke ujjaval bhavishy ko banane mein vo sabase behatar tarike se yogadan de sakati hai. Mahila virodhi purush ki majabur pidit hone ke bajay unhen sashakt hone ki jarurat hai.

mahila sashaktikaran par nibandh 4 (250 shabd)

nari sashaktikaran ke nare ke sath ek prashn uthata hai ki "kya mahilayen sachamuch mein majabut bani hai" aur "kya usaka lambe samay ka sangharsh khatm ho chuka hai". Rashtr ke vikas mein mahilaon ki sachchi mahatta aur adhikar ke bare mein samaj mein jagarukata lane ke liye matr divas, antararashtriy mahila divas adi jaise kai sare karyakram sarakar dvara chalaye ja rahe aur lagu kiye gaye hai. Mahilaon ko kai kshetr mein vikas ki jarurat hai. Apane desh mein uchch star ki laingik asamanata hai jahan mahilayen apane parivar ke sath hi bahari samaj ke bhi bure bartav se pidit hai. Bharat mein anapadho ki sankhya mein mahilayen sabase avval hai. Nari sashaktikaran ka asali arth tab samajh mein ayega jab bharat mein unhen achchhi shiksha di jayegi aur unhen is kabil banaya jayega ki vo har kshetr mein svatantr hokar faisale kar saken.

bharat mein mahilayen hamesha parivar mein kalank se bachane hetu kiye gaye vadh ke vishay ke rup mein hoti hai aur uchit shiksha aur ajadi ke liye unako kabhi bhi mul adhikar nahin diye gaye. Ye pidit hai jinhonne purushavadi desh mein hinsa aur durvyavahar ko jhela hai. Bharatiy sarakar ke dvara shuruat ki gayi mahilaon ke sashaktikaran ke liye rashtriy mishan ke anusar 2011 ganana mein is kadam ki vajah se kuchh sudhar aya. Isase mahila ligannupat aur mahila shiksha donon mein badhautari hui. Vaishvik ling gaip suchakank ke anusar, arthik bhagidari, uchch shiksha aur achchhe svasthy ke dvara samaj mein mahilaon ki sthiti mein sudhar lane ke liye bharat mein kuchh thos kadam ki jarurat hai. Jarurat hai ki ise arambhik sthiti se nikalate hue sahi disha mein tej gati se age badhaya jaye.


mahila sashaktikaran par nibandh 5 (300 shabd)

pandit javahar lal neharu dvara kaha gaya mashahur vaky "logon ko jagane ke liye", mahilaon ka jagrt hona jaruri hai. Ek bar jab vo apana kadam utha leti hai, parivar age badhata hai, ganv age badhata hai aur rashtr vikas ki or unmukh hota hai. Bharat mein, mahilaon ko sashakt banane ke liye sabase pahale samaj mein unake adhikaron aur mulyon ko marane vale un sabhi rakshasi soch ko marana jaruri hai jaise dahej pratha, ashiksha, yaun hinsa, asamanata, bhrun hatya, mahilaon ke prati gharelu hinsa, balatkar, vaishyavrti, manav taskari aur aise hi dusare vishay. Laingik bhedabhav rashtr mein sanskrtik, samajik, arthik aur shaikshik antar le ata hai jo desh ko pichhe ki or dhakelata hai. Bharat ke sanvidhan mein ullikhit samanata ke adhikar ko sunishchit karane ke liye mahilaon ko sashakt banana sabase prabhavashali upay hai is tarah ki buraiyon ko mitane ke liye.

laingik samanata ko prathamikata dene se pure bharat mein mahila sashaktikaran ko badhava mila hai. Mahila sashaktikaran ke uchch lakshy ko prapt karane ke liye ise har ek parivar mein bachapan se pracharit va prasaritakarana chahiye. Ye jaruri hai ki mahilayen sharirik, manasik aur samajik rup se majabut ho. Chunki ek behatar shiksha ki shuruat bachapan se ghar par ho sakati hai, mahilaon ke utthan ke liye ek svasth parivar ki jarurat hai jo rashtr ke sarvangin vikas ke liye avashyak hai. Aj bhi kai pichhade kshetron mein mata-pita ki ashiksha, asuraksha aur garibi ki vajah se kam umr mein vivah aur bachche paida karane ka chalan hai. Mahilaon ko majabut banane ke liye mahilaon ke khilaf hone vale durvyavahar, laingik bhedabhav, samajik alagav tatha hinsa adi ko rokane ke liye sarakar kai sare kadam utha rahi hai.

mahilaon ki samasyaon ka uchit samadhan karane ke liye mahila arakshan bil -108 van sanvidhan sanshodhan ka pas hona bahut jaruri hai ye sansad mein mahilaon ki 33% hissedari ko sunishchit karata hai. Dusare kshetron mein bhi mahilaon ko sakriy rup se bhagidar banane ke liye kuchh pratishat siton ko arakshit kiya gaya hai. Sarakar ko mahilaon ke vastavik vikas ke liye pichhade gramin kshetron mein jana hoga aur vahan ki mahilaon ko sarakar ki taraf se milane vali suvidhaon aur unake adhikaron se avagat karana hoga jisase unaka bhavishy behatar ho sake. Mahila sashaktikaran ke sapane ko sach karane ke liye ladikayon ke mahatv aur unaki shiksha ko pracharit karane ki jarurat hai.

mahila sashaktikaran par nibandh 6 (400 shabd)

laingik asamanata bharat mein mukhy samajik mudda hai jisamen mahilayen purushavadi prabhutv desh mein pichhadati ja rahi hai. Purush aur mahila ko barabari par lane ke liye mahila sashaktikaran mein teji lane ki jarurat hai. Sabhi kshetron mein mahilaon ka utthan rashtr ki prathamikata mein shamil hona chahiye. Mahila aur purush ke bich ki asamanata kai samasyaon ko janm deti hai jo rashtr ke vikas mein badi badha ke rup mein samane a sakati hai. Ye mahilaon ka janmasiddh adhikar hai ki unhen samaj mein purushon ke barabar mahatv mile. Vastav mein sashaktikaran ko lane ke liye mahilaon ko apane adhikaron se avagat hona chahiye. Na keval gharelu aur parivarik jimmedariyon balki mahilaon ko har kshetron mein sakriy aur sakaratmak bhumika nibhani chahiye. Unhen apane as-pas aur desh mein hone vali ghatanaon ko bhi janana chahiye.

mahila sashaktikaran mein ye takat hai ki vo samaj aur desh mein bahut kuchh badal saken. Vo samaj mein kisi samasya ko purushon se behatar dhang se nipat sakati hai. Vo desh aur parivar ke liye adhik janasankhya ke nukasan ko achchhi tarah se samajh sakati hai. Achchhe parivarik yojana se vo desh aur parivar ki arthik sthiti ka prabandhan karane mein puri tarah se saksham hai. Purushon ki apeksha mahilayen kisi bhi prabhavakari hinsa ko sambhalane mein saksham hai chahe vo parivarik ho ya samajik.

mahila sashaktikaran ke dvara ye sambhav hai ki ek majabut arthavyavastha ke mahila-purush samanata vale vale desh ko purushavadi prabhav vale desh se badala ja sakata hai. Mahila sashaktikaran ki madad se bina adhik prayas kiye parivar ke har sadasy ka vikas asani se sakata hai ho. Ek mahila parivar mein sabhi chijon ke liye behad jimmedar mani jati hai at: vo sabhi samasyaon ka samadhan achchhi tarah se kar sakati hai. Mahilaon ke sashakt hone se pura samaj apane ap sashakt ho jayega.

manushy, arthik ya paryavaran se sambandhit koi bhi chhoti ya badi samasya ka behatar upay mahila sashaktikaran hai. Pichhale kuchh varshon mein hamen mahila sashaktikaran ka fayada mil raha hai. Mahilayen apane svasthy, shiksha, naukari, tatha parivar, desh aur samaj ke prati jimmedari ko lekar jyada sachet rahati hai. Vo har kshetr mein pramukhata se bhag leti hai aur apani ruchi pradarshit karati hai. Antat: kai varshon ke sangharsh ke bad sahi rah par chalane ke liye unhen unaka adhikar mil raha hai.

mahila sashaktikaran par nibandh 7 (800 shabd) (dirgh nibandh)

mahila sashaktikaran kya hai?

mahila sashaktikaran ko behad asan shabdon mein paribhashit kiya ja sakata hai ki isase mahilayen shaktishali banati hai jisase vo apane jivan se jude har faisale svayan le sakati hai aur parivar aur samaj mein achchhe se rah sakati hai. Samaj mein unake vastavik adhikar ko prapt karane ke liye unhen saksham banana mahila sashaktikaran hai.

bharat mein mahila sashaktikaran ki kyon jarurat hai?

jaisa ki ham sabhi janate hai ki bharat ek purushapradhan samaj hai jahan purush ka har kshetr mank dakhal hai aur mahilayen sirf ghar-parivar ki jimmedari uthati hai sath hi unapar kai pabandiyan bhi hoti hai. Bharat ki lagabhag 50 pratishat abadi keval mahilaon ki hai matalab, pure desh ke vikas ke liye is adhi abadhi ki jarurat hai jo ki abhi bhi sashakt nahin hai aur kai samajik pratibandhon se bandhi hui hai. Aisi sthiti mein ham nahin kah sakate ki bhavishy mein bina hamari adhi abadi ko majabut kiye hamara desh vikasit ho payega. Agar hamen apane desh ko vikasit banana hai to ye jaruri hai ki sarakar, purush aur khud mahilaon dvara mahila sashaktikaran ko badhava diya jaye.

mahila sashaktikaran ki jarurat isaliye padi kyonki prachin samay se bharat mein laingik asamanata thi aur purushapradhan samaj tha. Mahilaon ko unake apane parivar aur samaj dvar kai karanon se dabaya gaya tatha unake sath kai prakar ki hinsa hui aur parivar aur samaj mein bhedabhav bhi kiya gaya aisa keval bharat mein hi nahin balki dusare deshon mein bhi dikhai padata hai. Mahilaon ke liye prachin kal se samaj mein chale a rahe galat aur purane chalan ko naye riti-rivajon aur parampara mein dhal diya gaya tha. Bharatiy samaj mein mahilaon ko samman dene ke liye man, bahan, putri, patni ke rup mein mahila deviyo ko pujane ki parampara hai lekin isaka ye kati matalab nahin ki keval mahilaon ko pujane bhar se desh ke vikas ki jarurat puri ho jayegi. Aj jarurat hai ki desh ki adhi abadi yani mahilaon ka har kshetr mein sashaktikaran kiya jaye jo desh ke vikas ka adhar banengi.

bharat ek prasiddh desh hai jisane vividhata mein ekata ke muhavare ko sabit kiya hai, jahan bharatiy samaj mein vibhinn dharmon ko manane vale log rahate hai. Mahilaon ko har dharm mein ek alag sthan diya gaya hai jo logon ki ankhon ko dhake hue bade parde ke rup mein aur kai varshon se adarsh ke rup mein mahilaon ke khilaf kai sare galat karyon (sharirik aur manasik) ko jari rakhane mein madad kar raha hai. Prachin bharatiy samaj dusari bhedabhavapurn dasturon ke sath sati pratha, nagar vadhu vyavastha, dahej pratha, yaun hinsa, gharelu hinsa, garbh mein bachchiyon ki hatya, parda pratha, kary sthal par yaun shoshan, bal majaduri, bal vivah tatha devadasi pratha adi parampara thi . Is tarah ki kupratha ka karan pitrsattamak samaj aur purush shreshthata manogranthi hai.

purush parivarik sadasyon dvara samajik rajanitik adhikar (kam karane ki ajadi, shiksha ka adhikar adi) ko puri tarah pratibandhit kar diya gaya. Mahilaon ke khilaf kuchh bure chalan ko khule vicharon ke logon aur mahan bharatiy logon dvara hataya gaya jinhonne mahilaon ke khilaf bhedabhavapurn karyon ke liye apani avaj uthayi. Raja ram mohan roy ki lagatar koshishon ki vajah se hi sati pratha ko khatm karane ke liye angrej majabur hue. Bad mein dusare bharatiy samaj sudharakon (ishvar chandr vidyasagar, achary vinobha bhave, svami vivekanand adi) ne bhi mahila utthan ke liye apani avaj uthayi aur kada sangharsh kiya. Bharat mein vidhavaon ki sthiti ko sudharane ke liye ishvar chandr vidyasagar ne apane lagatar prayas se vidhava purn vivah adhiniyam 1856 ki shuruat karavai.

pichhale kuchh varshon mein mahilaon ke khilaf hone vale laingik asamanata aur buri prathaon ko hatane ke liye sarakar dvara kai sare sanvaidhanik aur kanuni adhikar banaye aur lagu kiye gaye hai. Halanki aise bade vishay ko sulajhane ke liye mahilaon sahit sabhi ka lagatar sahayog ki jarurat hai. Adhunik samaj mahilaon ke adhikar ko lekar jyada jagaruk hai jisaka parinam hua ki kai sare svayan-sevi samuh aur enajio adi is disha mein kary kar rahe hai. Mahilayen jyada khule dimag ki hoti hai aur sabhi ayamon mein apane adhikaron ko pane ke liye samajik bandhanon ko tod rahi hai. Halanki aparadh isake sath-sath chal raha hai.

kanuni adhikar ke sath mahilaon ko sashakt banane ke liye sansad dvara pas kiye gaye kuchh adhiniyam hai - ek barabar parishramik ekt 1976, dahej rok adhiniyam 1961, anaitik vyapar (rokatham) adhiniyam 1956, medikal tarmneshan of pregnensi ekt 1987, bal vivah rokatham ekt 2006 , ling parikshan takanik (niyantrak aur galat istemal ke rokatham) 1994, karyasthal par mahilaon ka yaun shoshan ekt 2013 ekt.

nishkarsh

bharatiy samaj mein sach mein mahila sashaktikaran lane ke liye mahilaon ke khilaf buri prathaon ke mukhy karanon ko samajhana aur unhen hatana hoga jo ki samaj ki pitrsattamak aur purush prabhav yukt vyavastha hai. Jarurat hai ki ham mahilaon ke khilaf purani soch ko badale aur sanvaidhanik aur kanuni pravadhanon mein bhi badalav laye.

Child Labour Essay Nibandh

Bal majaduri nibandh 1 (100 shabd)

kisi bhi kshetr mein bachchon dvara apane bachapan mein di gai seva ko bal majaduri kahate hai. Ise gair-jimmedar mata-pita ki vajah se, ya kam lagat mein nivesh par apane fayade ko badhane ke liye malikon dvara jabarajasti banaye gaye dabav ki vajah se jivan jine ke liye jaruri sansadhanon ki kami ke chalate ye bachchon dvara svat: jata hai kiya , isaka karan mayane nahin rakhata kyonki sabhi karakon ki vajah se bachche bina bachapan ke apana jivan jine ko majabur hote hai. Bachapan sabhi ke jivan mein vishesh aur sabase khushi ka pal hota hai jisamen bachche prakrti, priyajanon aur apane mata-pita se jivan jine ka tarika sikhate hai. Samajik, bauddhik, sharirik, aur manasik sabhi drshtikon se bal majaduri bachchon ki vrddhi aur vikas mein avarodh ka kam karata hai.

bal majaduri nibandh 2 (150 shabd)

bal majaduri bachchon se liya jane vala kam hai jo kisi bhi kshetr mein unake malikon dvara karavaya jata hai. Ye ek dabavapurnan vyavahar hai jo abhivavak ya malikon dvara kiya jata hai. Bachapan sabhi bachchon ka janm siddh adhikar hai jo mata-pita ke pyar aur dekh-rekh mein sabhi ko milana chahiye, ye gairakanuni krty bachchon ko badon ki tarah jine par majabur karata hai. Isake karan bachchon ke jivan mein kai sari jaruri chijon ki kami ho jati hai jaise- uchit sharirik vrddhi aur vikas, dimag ka anupayukt vikas, samajik aur bauddhik rup se asvasthyakar adi.

isaki vajah se bachche bachapan ke pyare lamhon se dur ho jate hai, jo har ek ke jivan ka sabase yadagar aur khushanuma pal hota hai. Ye kisi bachche ke niyamit skul jane ki kshamata ko badhit karata hai jo inhen samajik rup se desh ka khataranak aur nukasan dayak nagarik banata hai. Bal majaduri ko puri tarah se rokane ke liye dheron niyam-kanun banane ke bavajud bhi ye gair-kanuni krty dinon-din badhata hi ja raha hai.


bal majaduri nibandh 3 (200 shabd)

bal majaduri bharat mein bada samajik mudda banata ja raha hai jise niyamit adhar par hal karana chahiye. Ye keval sarakar ki jimmedari nahin hai balki ise sabhi samajik sangathanon, malikon, aur abhibhavakon dvara bhi samadhit karana chahiye. Ye mudda sabhi ke liye hai joki vyaktigat taur par sulajhana chahiye, kyonki ye kisi ke bhi bachche ke sath ho sakata hai.

bhayankar garibi aur kharab skuli mauke ki vajah se bahut sare vikasashil deshon mein bal majaduri behad am bat hai. Bal majaduri ki uchch dar abhi bhi 50 pratishat adhik hai jisamen 5 se 14 sal tak ke bachche vikasashil deshon mein kam kar rahe hai se. Krshi kshetr mein bal majaduri ki dar sabase uchch hai jo jyadatar gramin aur aniyamit shahari arthavyavastha mein dikhai deti hai jahan ki adhikatar bachche apane doston ke sath khelane aur skul bhejane ke bajaye pramukhata se apane mata-pita ke dvara krshi karyon mein lagaye gaye hai.

bal majaduri ka mudda ab antarrashtriy ho chuka hai kyonki desh ke vikas aur vrddhi mein ye bade taur par badhak ban chuka hai. Svasth bachche kisi bhi desh ke liye ujjaval bhavishy aur shakti hote hai at: bal majaduri bachche ke sath hi desh ke bhavishy ko bhi nukasan, kharab tatha barabad kar raha hai.


bal majaduri nibandh 4 (250 shabd)

bal majaduri insaniyat ke liye aparadh hai jo samaj ke liye shrap banata ja raha hai tatha jo desh ke vrddhi aur vikas mein badhak ke rup mein bada mudda hai. Bachapan jivan ka sabase yadagar kshan hota hai jise har ek ko janm se jine ka adhikar hai. Bachchon ko apane doston ke sath khelane ka, skul jane ka, mata-pita ke pyar aur paravarish ke ehasas karane ka, tatha prakrti ki sundarata ka anand lene ka pura adhikar hai. Jabaki keval logon (mata-pita, malik) ki galat samajh ki vajah se bachchon ko badon ki tarah jivan bitane par majabur hona pad raha hai. Jivan ke har jaruri sansadhanon ki prapti ke liye unhen apana bachapan kurban karana pad raha hai.

mata-pita apane bachchon ko parivar ke prati bachapan se hi jimmedar banana chahate hai. Vo ye nahin samajhate ki unake bachchon ko pyar aur paravarish ki jarurat hoti hai, unhen niyamit skul jane tatha achchhi tarah se bada hone ke liye doston ke sath khelane ki jarurat hai. Bachchon se kam karane vale man-bap sochate hai ki bachche unake jagir hote hai aur vo unhen apane hisab se istemal karate hai. Vastav mein har mata-pita ko ye samajhana chahiye ki desh ke prati bhi unaki kuchh jimmedari hai. Desh ke bhavishy ko ujjaval banane ke liye unhen apane bachchon ko har tarah se svasth banana chahiye.

mata-pita ko parivar ki jimmedari khud se leni chahiye tatha apane bachchon ko unaka bachapan pyar aur achchhi paravarish ke sath jine dena chahiye. Puri duniya mein bal majaduri ke liye mukhy karan garibi, mata-pita, samaj, kam ay, berojagari, kharab jivan shaili tatha samajh, samajik nyay, skulon ki kami, pichhadapan, aur aprabhavashali kanun hai jo desh ke vikas ko pratyakshat: prabhavit kar raha hai.

bal majaduri nibandh 5 (300 shabd)

5 se 14 sal tak ke bachchon ka apane bachapan se hi niyamit kam karana bal majaduri kahalata hai. Vikasashil deshon me bachche jivan jine ke liye behad kam paison par apani ichchha ke viruddh jakar pure din kadi mehanat karane ke liye majabur hai. Vo skul jana chahate hai, apane doston ke sath khelana chahate hai aur dusare amir bachchon ki tarah apane mata-pita ka pyar aur paravarish pana chahate hai lekin durbhagyavash unhen apani har ichchhaon ka gala ghontana padata hai.

vikasashil deshon mein, kharab skuling mauke, shiksha ke liye kam jagarukata aur garibi ki vajah se bal majaduri ki dar bahut adhik hai. Gramin kshentron mein apane mata-pita dvara krshi mein shamil 5 se 14 sal tak ke jyadatar bachche paye jate hai. Pure vishv mein sabhi vikasashil deshon mein bal majaduri ka sabase mukhy karan garibi aur skulon ki kami hai.

bachapan har ek ke jivan ka sabase khushanuma aur jaruri anubhav mana jata hai kyonki bachapan bahut jaruri aur dostana samay hota hai sikhane ka. Apane mata-pita se bachchon ko pura adhikar hota hai khas dekh-rekh pane ka, pyar aur paravarish ka, skul jane ka, doston ke sath khelane ka aur dusare khushanuma palon ka luft uthane ka. Bal majaduri har din na jane kitane anamol bachchon ka jivan bigad raha hai. Ye bade star ka gair-kanuni krty hai jisake liye saja honi chahiye lekin aprabhavi niyam-kanunon se ye hamare as-pas chalata rahata hai.

samaj se is burai ko jad se mitane ke liye kuchh bhi behatar nahin ho raha hai. Kam ayu mein unake sath kya ho raha hai is bat ka ehasas karane ke liye bachche behad chhote, pyare aur masum hai. Vo is bat ko samajhane mein aksham hai ki unake liye kya galat aur gair-kanuni hai, bajaye isake bachche apane kamon ke liye chhoti kamai ko pakar khush rahate hai. Anajane mein vo rojana ki apani chhoti kamai mein ruchi rakhane lagate hai aur apana pura jivan aur bhavishy isi se chalate hai.

bal majaduri nibandh- 6 (400 shabd)

apane desh ke liye sabase jaruri sampatti ke rup mein bachchon ko sanrakshit kiya jata hai jabaki inake mata-pita ki galat samajh aur garibi ki vajah se bachche desh ki shakti banane ke bajaye desh ki kamajori ka karan ban rahe hai. Bachchon ke kalyan ke liye kalyakari samaj aur sarakar ki or se bahut sare jagarukata abhiyan chalane ke bavajud garibi rekha se niche ke jyadatar bachche roj bal majaduri karane ke liye majabur hote hai.

kisi bhi rashtr ke liye bachche naye ful ki shaktishali khushabu ki tarah hote hai jabaki kuchh log thode se paison ke liye gair-kanuni tarike se in bachchon ko bal majaduri ke kunen mein dhakel dete hai sath hi desh ka bhi bhavishy bigad dete hai. Ye log bachchon aur nirdosh logon ki naitikata se khilavad karate hai. Bal majaduri se bachchon ko bachane ki jimmedari desh ke har nagarik ki hai. Ye ek samajik samasya hai jo lambe samay se chal raha hai aur ise jad se ukhadane ki jarurat hai.

desh ki ajadi ke bad, jad se ukhadane ke liye kai sare niyam-isako kanun banaye gaye lekin koi bhi prabhavi sabit nahin hua. Isase sidhe taur par bachchon ke masumiyat ka manasik, sharirik, samajik aur bauddhik tarike se vinash raha hai ho. Bachche prakrti ki banayi ek pyari kalakrti hai lekin ye bilkul bhi sahi nahin hai ki kuchh buri paristhitiyon ki vajah se bina sahi umr mein pahunche unhen itana kathin shram karana pade.

bal majaduri ek vaishavik samasya hai jo vikasashil deshon mein behad am hai. Mata-pita ya garibi rekha se niche ke log apane bachchon ki shiksha ka kharch vahan nahin kar pate hai aur jivan-yapan ke liye bhi jaruri paisa bhi nahin kama pate hai. Isi vajah se vo apane bachchon ko skul bhejane ke bajaye kathin shram mein shamil kar lete hai. Vo manate hai ki bachchon ko skul bhejana samay ki barabadi hai aur kam umr mein paisa kamana parivar ke liye achchha hota hai. Bal majaduri ke bure prabhavon se garib ke sath-sath amir logon ko bhi turant avagat karane ki jarurat hai. Unhen har tarah ki sansadhanon ki upalabta karani chahiye jisaki unhen kami hai. Amiron ko garibon ki madad karani chahiye jisase unake bachche sabhi jaruri chijen apane bachapan mein pa sake. Isako jad se mitane ke liye sarakar ko kade niyam-kanun banane chahiye.