'Tree Plantation' in Hindi | 'Vriksharopan' par Lekh

aaj kee duniya samasyaon se ghiree huee hai. in samasyaon mein sabase badee samasya hai praanee, sansaar aur vanaspati jagat ke beech bigadata hua santulan. aabaadee kee betahaasha badhotaree ne is santulan ko bigaada hai aur hamaare lie aarthik aur svaasthy sambandhee anek samasyaen utpann kar dee hain.

jangalon ke katate rahane se maanav-sabhyata ko khatara paida gaya hai ho. mausam mein kaaphee parivartan aa gaya hai. dharatee ke kuchh bhaagon mein ya to lagaataar kaee varsh tak sookha pad jaata hai ya phir bhayankar baadh aa jaatee hai.

van aur paanee akshay-strot hote hain, jab ye nahin rahate hain to sada bahane vaalee nadiyaan sookh jaatee hain, baandhon mein paanee ka star ghat jaata hai, bijalee ka utpaadan ruk jaata hai tatha naharon mein paanee kam ho jaata hai. isase anaaj kam utpann hota hai aur udyogon ke lie sankat paida ho jaata hai.

is bhayaanak sthiti ka saamana karane ke lie aabaadee ko kam karane ke saath-saath vrkshaaropan ke abhiyaan ko bhee yuddh-star par chalaane kee aavashyakata hai.

vrksh na keval dharatee ko upajaoo banaate hain balki hamaare jeevan mein bhee chaitanyata utpann karate hain. yadi ham apanee sabhyata aur sanskrti kee raksha karana chaahate hain to hamen na keval adhik se adhik vrksh lagaane chaahie balki unaka paalan-poshan aur rakshan bhee karana chaahie.

vrksh hamaare lie kya kuchh nahin karate, ye dekhane mein sundar lagate hain tatha hava ko shuddh rakhate hain, mausam kee kathorata ko kam karate hain aur vishailee gaison ko samaapt karate hain. vrksh hamen kaee prakaar ke laabh pahunchaate hain. hava, paanee aur mitatee ka pradooshan vrkshon kee badhotaree se hee door sakata hai ho.